Qorǵanys mınıstri Otardaǵy oq-dárilerdiń saqtalý sharttaryn tekserdi

1932
Adyrna.kz Telegram

Gvardeısk garnızonyndaǵy jumys sapary aıasynda general-maıor Nurlan Ermekbaev oq-dárilerdiń saqtalý sharttary men tártibin, jeke quramnyń órtke qarsy qaýipsizdik talaptarynyń saqtalýy máselelerin tekserdi.

Áskerı vedomstvo basshysy zymyrandar men oq-dárilerdi saqtaý men saqtalý tártibi, qarý-jaraq, áskerı jáne arnaıy tehnıkanyń jabdyqtalýy men jaı-kúıi, sondaı-aq ózge de materıaldyq-tehnıkalyq quraldarmen qamtamasyz etilýi týraly laýazymdy adamdardyń baıandamasyn tyńdady. Qoımany tekserý nátıjeleri boıynsha oq-dárilerdi, qarý-jaraq pen áskerı tehnıkany saqtaý jónindegi nysannyń qaýipsizdik deńgeıin arttyrý, áskerı qyzmetshilerdiń órtke jáne dıversııaǵa qarsy qaýipsizdik talaptaryn múltiksiz saqtaýy jóninde naqty tapsyrmalar aıqyndaldy.

Aıta keteıik, arnaıy komıssııa Qazaqstan Qarýly Kúshteriniń oq-dárilerin saqtaý nysandaryn tekserýdi bastaǵan.  Eske salaıyq, 24 maýsymda Túrkistan oblysyndaǵy Arys qalasynda áskerı bólimsheniń terrıtorııasynda jarylys bolǵan edi. Keıin apattan 3 adam qaza tapqany habarlandy.

"Adyrna" ulttyq portaly

Pikirler