مەملەكەت باسشىسى قاسىم-جومارت توقاەۆ قحر قورعانىس ءمينيسترى دۋن ءتسزيۋندى قابىلدادى. بۇل تۋرالى اقوردا مالىمدەدى، دەپ حابارلايدى “ادىرنا” ۇلتتىق پورتالى.
قاسىم-جومارت توقاەۆ قازاقستانعا رەسمي ساپارمەن كەلگەن قىتاي حالىق رەسپۋبليكاسىنىڭ قورعانىس ءمينيسترى دۋن تسزيۋنگە ءىلتيپات بىلدىرە وتىرىپ، ونىڭ تاتۋ كورشىلىك، دوستىق قاتىناستاردى جانە ءوزارا ءتيىمدى ىنتىماقتاستىقتى نىعايتۋعا قوسقان ۇلەسىن ەرەكشە اتاپ ءوتتى.
پرەزيدەنت قازاق-قىتاي بايلانىستارى جوعارى دەڭگەيدە ەكەنىنە، ياعني ارادا ماڭگىلىك ءارى جان-جاقتى ستراتەگيالىق سەرىكتەستىك ورناعانىنا نازار اۋداردى.
مەملەكەت باسشىسىنىڭ پىكىرىنشە، كوپجاقتى قۇرىلىمدار اياسىندا قازاقستان مەن قىتايدىڭ وڭىرلىك جانە حالىقارالىق قاۋىپسىزدىكتىڭ نەگىزگى ماسەلەلەرىنە قاتىستى كوزقاراستارى ۇقساس.
ء"بىز بىرىككەن ۇلتتار ۇيىمى، شانحاي ىنتىماقتاستىق ۇيىمى، ازياداعى ءوزارا ءىس-قيمىل جانە سەنىم شارالارى جونىندەگى كەڭەس شەڭبەرىندە كونسترۋكتيۆتى ديالوگ قۇرىپ، ءبىر-بىرىمىزگە قولداۋ ءبىلدىرىپ كەلەمىز. سونداي-اق قىتايدىڭ دۇنيەجۇزىلىك دامۋعا، جاھاندىق قاۋىپسىزدىك پەن وركەنيەتكە قاتىستى ۇسىنعان باستامالارىن جوعارى باعالايمىز ءارى قولدايمىز. بۇل باستامالار الەمدەگى قاۋىپسىزدىكتىڭ قازىرگى جۇيەسىن نىعايتۋعا وڭ ۇلەس قوسادى دەپ سانايمىن", – دەدى پرەزيدەنت.
ءوز كەزەگىندە قحر قورعانىس ءمينيسترى دۋن تسزيۋن قوناقجايلىق كورسەتكەنى ءۇشىن مەملەكەت باسشىسىنا العىس ايتىپ، شىۇ-عا مۇشە ەلدەردىڭ قورعانىس مينيسترلەرىنىڭ كەڭەسى جوعارى دەڭگەيدە وتكەنىن اتاپ ءوتتى.
اڭگىمەلەسۋ بارىسىندا تاراپتار بىتىمگەرلىك، ءبىلىم جانە اسكەري-تەحنيكا سالالارىنداعى ىنتىماقتاستىقتى دامىتۋعا نيەتتى ەكەنىن جەتكىزدى.
