ءازىربايجان مەن ارمەنيا سىرتقى ىستەر مينيسترلەرىنىڭ كەزدەسۋى قازاقستاندا ءوتۋى مۇمكىن، دەپ حابارلايدى "ادىرنا" ۇلتتىق پورتالى ءازىربايجان تۋران اقپارات اگەنتتىگىنە سىلتەپ.
«باكۋ ءازىربايجان مەن ارمەنيا سىرتقى ىستەر مينيسترلەرىنىڭ قازاقستاندا كەزدەسۋىنە كەلىستى. ەرەۆان كەلىسسە، كەلەسى كەزدەسۋ قازاقستاندا وتەدى»، - دەدى ازەربايجان پرەزيدەنتى يلحام اليەۆ ADA ۋنيۆەرسيتەتىندە «COP29 جانە ازىربايجانعا جاسىل كوزقاراس» حالىقارالىق فورۋمىنا قاتىسۋشىلارمەن كەزدەسۋدە سويلەگەن سوزىندە.
ول ءازىربايجان مەن ارمەنيانىڭ بەيبىتشىلىك ورناتۋعا بۇرىنعىدان دا جاقسى كوزقاراستا ەكەنىن اتاپ ءوتتى.
«قازىر بىزدە مادريد پرينتسيپتەرى تۋرالى كەلىسىم بار، بىتىمگەرشىلىك كەلىسىمنىڭ قانداي بولۋى كەرەكتىگى تۋرالى ورتاق تۇسىنىگىمىز بار. جاي عانا ەگجەي-تەگجەيلى جۇمىس ىستەۋ كەرەك. دەگەنمەن، ارينە، ەكى جاققا دا ۋاقىت كەرەك»، - دەپ قوستى يلحام اليەۆ.
