ۋكراينالىق وقۋشىلارى قازاقستانداعى اپاتقا بايلانىستى قولداۋ ءبىلدىردى، دەپ حابارلايدى "ادىرنا" ءتىلشىسى.
قازاقستاننىڭ ۋكرايناداعى ەلشىسى دارحان كالەتاەۆ گريگوري ۆاششەنكو اتىنداعى №144 كيەۆ ليتسەيىنىڭ وقۋشىلارى مەن پەداگوگتارىمەن كەزدەستى.
"كەزدەسۋگە ۋكراينا جوعارعى راداسىنىڭ قازاقستان رەسپۋبليكاسىمەن پارلامەنتارالىق بايلانىس جونىندەگى دەپۋتاتتىق توبىنىڭ جەتەكشىسى سەرگەي ناگورنياك تا قاتىستى. كەزدەسۋ كەزىندە ۋكراينالىق وقۋشىلار سۋ تاسقىنى سالدارىنان زارداپ شەككەن قازاقستان حالقىنا شىنايى قولداۋ سوزدەرىن جەتكىزدى. ليتسەي وكىلدەرى زارداپ شەككەن وڭىرلەردىڭ تەزىرەك قالپىنا كەلۋىن تىلەدى", – دەلىنگەن ەلشىلىك حابارلاماسىندا.
ۋكراينالىق وقۋشىلار قازاق دوستارىنا ارناپ تىلەك ءبىلدىردى. ءوز كەزەگىندە ەلشى كەزدەسۋگە قاتىسۋشىلارعا سۋ تاسقىنىنا بايلانىستى قولداۋ مەن جاناشىرلىق بىلدىرگەنى ءۇشىن العىسىن دا ءبىلدىردى.
