«روبوتەك» كومپانياسى «TechnoWomen Asia-مەن» ەلىمىزدە «Super 100!» بىرەگەي جوباسىن باستادى. ونىڭ اياسىندا جازعى مەكتەپ اشىلىپ، جۇزدەن استام قىز بالا باعدارلامالاۋ جانە قۇراستىرۋ بويىنشا ساباق الادى.
– «Super 100!» ميسسياسى – وقۋشى قىزداردى STEM بىلىمىنە باۋلۋ، اقپاراتتىق تەحنولوگيالارعا، روبوتوتەحنيكاعا، ينجەنەرياعا جانە جاساندى ينتەللەكتكە دەگەن قىزىعۋشىلىقتى وياتۋ. قازاق جانە ورىس تىلدەرىندەگى تەگىن كۋرستار سۇرانىسقا يە بولادى دەپ ۇمىتتەنەمىز. ءبىزدىڭ جوبا قىزدارعا بولاشاققا العاشقى ءارى سەنىمدى قادام جاساۋعا، ماماندىق تاڭداۋعا، وتاندىق زياتكەرلىك تەحنولوگيالاردى جاساۋعا كومەكتەسەدى»، – دەپ اتاپ ءوتتى «Robotek» كوممەرتسيالىق ەمەس قورى قامقورشىلىق كەڭەسىنىڭ توراعاسى ديانا دۇيسەنوۆا.
بۇگىنگى تاڭدا زامانىمىزدىڭ ستراتەگيالىق باسىمدىعىنىڭ ءبىرى –تسيفرلىق شىندىققا نازىك جاندىلاردى تارتۋ. ولار ءۇش عاسىر بويىنا الەمدىك IT ترەندتەردى العا تارتىپ كەلەدى. مىسالى، ادا لاۆلەيس 19 عاسىردا ەسەپتەۋ ماشينالارىنىڭ الگوريتمدەرىن جازعان ادامزات تاريحىنداعى العاشقى باعدارلاماشى رەتىندە بەلگىلى، اقش اسكەري-تەڭىز كۇشتەرىنىڭ كونتر-ادميرالى گرەيس حوپپەر كومپيۋتەرلىك باعدارلامالاۋدى جاسادى، حەدي لامارر زاماناۋي Wi-Fi مەن Bluەtooth-ءدىڭ اناسى دەگەن اتقا يە. «Super 100!» اۆتورلارى جوباعا قاتىسۋشىلاردىڭ اراسىندا قازاقستاندى الەمگە تانىتاتىن تسيفرلى امباسسادورلار بولاتىنىنا سەنىمدى.
IT الەمىندەگى ايەلدەردىڭ ماڭىزدىلىعىن مادەنيەت جانە اقپارات ءمينيسترى ايدا بالاەۆا «TechnoWomen Asia» قاتىسۋشىلارىنا العىسوزىندە ەرەكشە اتاپ ءوتتى:
— بۇگىندە IT الەمىندەگى ايەل ەشكىمدى تاڭ قالدىرمايدى. بەدەلدى الەمدىك ساراپشىلاردىڭ بولجامدارى بويىنشا، 2030 جىلعا قاراي IT ايەلدەر ءۇشىن قاراپايىم ماماندىققا اينالادى. ءبىزدىڭ ميسسيامىز – تسيفرلىق داعدىلاردى ىلگەرىلەتۋ، تسيفرلىق بيزنەستەگى ايەلدەر كاسىپكەرلىگىن قولداۋ جانە ايەلدەردىڭ تسيفرلىق ەكونوميكاعا سەنىمى مەن قابىلەتىن دامىتۋ ءۇشىن بيزنەستى باسقارۋ بويىنشا وقىتۋدى ناسيحاتتاۋ.
«Super 100!» تۇلەكتەرى «Technogirls» باعدارلاماسى اياسىندا No Code, Low Code جانە Beta Career سياقتى سالالاردا تسيفرلىق ءبىلىم بەرۋدى جالعاستىرادى، سونىمەن قاتار وتاندىق جانە شەتەلدىك كومپانيالاردا تاعىلىمدامادان وتەدى دەپ جوسپارلانۋدا.
ميرا اليپينوۆا
