توتەنشە جاعدايلار مينيسترلىگى جايىق وزەنىنەن (ورال) سۋ تاسىپ جاتقانىن حابارلادى. ورال ماڭىنداعى ساياجايلاردىڭ ءبىر بولىگىن سۋ باستى، - دەپ حابارلايدى “ادىرنا” ۇلتتىق پورتالى.
توتەنشە جاعدايلار مينيسترلىگى ءباسپاسوز قىزمەتىنىڭ حابارلاۋىنشا، قازىرگى ۋاقىتتا جايىق وزەنىندەگى سۋ دەڭگەيىنىڭ كوتەرىلۋىنە بايلانىستى جەر بىلىگى ارقىلى سۋ تاسىپ اعىپ جاتىر. ورال ىرگەسىندەگى ساياجايلاردىڭ اۋماقتارىن سۋ باسۋدا.
“بقو، قىزىلوردا وبلىسى، استانا قالاسى تجد قۇتقارۋشىلارى جانە تجم 28237 اسكەري ءبولىمىنىڭ اسكەري قىزمەتشىلەرى وقيعا ورنىنا كەلدى. ادامدار الدىن الا ەۆاكۋاتسيالانعان بولاتىن. الايدا، جەرگىلىكتى تۇرعىندار اراسىندا ۇيلەرىنەن ءوز ەركىمەن كەتۋدەن باس تارتقاندار دا بار. جەرگىلىكتى پوليتسيا قىزمەتكەرلەرى وقيعا ورنىندا جۇمىس اتقارۋدا” دەلىنگەن تجم حابارلاماسىندا.
ورال قالالىق توتەنشە جاعدايلار باسقارماسىنىڭ باسشىسى امانگەلدى ەشمۇحانوۆتىڭ ايتۋىنشا، قىستا سۋ باسۋ قاۋپى بار 820 ساياجايدا 190 وتباسى تۇرادى.
«بارلىعى ءبىر اپتا بۇرىن ەۆاكۋاتسيالاندى. قازىرگى ۋاقىتتا كوشىرۋدەن باس تارتقانداردى پوليتسيا ءبولىمى امالسىز كۇشتەپ كوشىرۋدە»، - دەدى امانگەلدى ەشمۇحانوۆ.
