پرەمەر-ءمينيستردىڭ ورىنباسارى قانات بوزىمباەۆ بەيىندى مينيسترلىكتەرگە ەكى كۇن مەرزىمدە سۋ تاسقىنى سالدارىنان جوعالعان نەمەسە بۇلىنگەن ءبىرىنشى قاجەتتىلىكتەگى مۇلىك ءۇشىن زالالدى وتەۋ الگوريتمىن ازىرلەۋدى تاپسىردى. بۇل تۋرالى 19 ءساۋىر ۇكىمەتتىڭ ءباسپاسوز قىزمەتى جاريالادى، دەپ حابارلايدى “ادىرنا” ۇلتتىق پورتالى.
مۇنداي مۇلىكتىڭ تىزىمىنە نە كىرەدى؟ ولار: تاماق ساقتاۋعا جانە دايىنداۋعا ارنالعان زاتتار، تاماق ىشۋگە جانە ۇيىقتاۋعا ارنالعان جيھاز زاتتارى، ازاماتتاردى اقپاراتتاندىرۋ قۇرالدارىنىڭ زاتتارى، سۋمەن جابدىقتاۋ جانە جىلىتۋ قۇرالدارى كىرەدى.
بۇل وتەماقىنى جەرگىلىكتى اتقارۋشى ورگاندار بيۋدجەت جانە بيۋدجەتتەن تىس قاراجاتتان قاراستىراتىن بولادى.
بۇعان دەيىن ۇكىمەت سۋ تاسقىنىنان زارداپ شەككەن ازاماتتار مەملەكەتتەن قانداي كومەك كۇتە الادى دەگەن جادىناما جاريالاعان بولاتىن.
بۇدان باسقا، قانات بوزىمباەۆتىڭ تاپسىرماسى بويىنشا ەكى كۇن ىشىندە ۇلكەن سۋدان زارداپ شەككەن ەگىستىك جەر يەلەرى مەن اۋىل شارۋاشىلىعى تاۋارىن وندىرۋشىلەرگە قارجىلىق كومەك كورسەتۋ الگوريتمى ازىرلەنەتىن بولادى.
