تامارا دۇيسەنوۆا بىلتىر اقپان ايىنان بەرى Nur Otan پارتياسىنىڭ حاتشىسى قىزمەتىن اتقارعان
"تامارا دۇيسەنوۆا باسقا جۇمىسقا اۋىسۋىنا بايلانىستى Nur Otan پارتياسى حاتشىسى قىزمەتىنەن كەتتى. ءبىر جارىم جىل ىشىندە ول پارتيانىڭ سايلاۋالدى تۇعىرناماسى مەن ازاماتتاردىڭ ءال-اۋقاتىن ارتتىرۋعا باعىتتالعان الەۋمەتتىك باستامالاردىڭ جۇزەگە اسۋىنا ايتقارلىقتاي ۇلەس قوستى", - دەدى باۋىرجان بايبەك.
پارتيا توراعاسىنىڭ ءبىرىنشى ورىنباسارى دۇيسەنوۆانىڭ اتقارعان جۇمىسى ءۇشىن پارتيا باسشىلىعى اتىنان العىس ءبىلدىرىپ، جاڭا قىزمەتتە دە تابىسقا جەتۋىن تىلەدى.
تامارا دۇيسەنوۆا 2018 جىلدىڭ اقپانىنان بەرى پارتيا حاتشىسى بولىپ ىستەدى. وعان دەيىن ەڭبەك جانە حالىقتى الەۋمەتتىك قورعاۋ ءمينيسترى بولعان ەدى.
"ادىرنا" ۇلتتىق پورتالى