Tamara Dúısenova byltyr aqpan aıynan beri Nur Otan partııasynyń hatshysy qyzmetin atqarǵan
"Tamara Dúısenova basqa jumysqa aýysýyna baılanysty Nur Otan partııasy hatshysy qyzmetinen ketti. Bir jarym jyl ishinde ol partııanyń saılaýaldy tuǵyrnamasy men azamattardyń ál-aýqatyn arttyrýǵa baǵyttalǵan áleýmettik bastamalardyń júzege asýyna aıtqarlyqtaı úles qosty", - dedi Baýyrjan Baıbek.
Partııa tóraǵasynyń birinshi orynbasary Dúısenovanyń atqarǵan jumysy úshin partııa basshylyǵy atynan alǵys bildirip, jańa qyzmette de tabysqa jetýin tiledi.
Tamara Dúısenova 2018 jyldyń aqpanynan beri partııa hatshysy bolyp istedi. Oǵan deıin eńbek jáne halyqty áleýmettik qorǵaý mınıstri bolǵan edi.
"Adyrna" ulttyq portaly
