وتكەن اپتادا تاسقىننان زارداپ شەككەن باتىس قازاقستان وبلىسى قاراتوبە اۋدانىنا تۇركىستان وبلىسىنان گۋمانيتارلىق كومەك باردى. قيىن جاعدايعا تاپ بولعان كەزدە قولۇشىن سوزىپ، اعايىندىق تانىتىپ، كيەلى ولكە اماناتىن اۋدانعا جەتكىزگەن اعايىندى اۋدان اكىمىنىڭ ورىنباسارى جاسۇلان سۇلتان قارسى الدى.
–قازاقتا «تاس تۇسكەن جەرىنە اۋىر» دەگەن ءسوز بار. اۋداندانىمىزدا ورىن العان تاسقىن ءبىراز قيىندىق اكەلدى. وسىنداي ساتتە جانىمىزدان تابىلعان تۇركىستاندىقتارعا العىس شەكسىز. ءبىر قازاقتىڭ باسىنا تۇسكەن اۋىرتپالىق، بار قازاقتىڭ قايعىسى ەكەنىن كورسەتىپ، جاناشىرلىق تانىتقانىڭىز بىزگە رۋح بەردى. قازاقتىڭ بىرلىگى مىزعىماعانىنا شۇكىرلىك ايتامىز. قيىندىققا تاپ بولعان قيىرداعى اعايىندى قولداي كەلگەن كومەگىن بەرگەن جانداردىڭ ءىسى ۇرپاققا ۇلگى. جاعدايىمىزدى سۇراپ، قامقورلىق كورسەتە كەلگەندەرىڭىزدىڭ ءوزى بىزگە دەمەۋ، - دەدى اۋدان اكىمىنىڭ ورىنباسارى.
سونداي-اق، ج. سۇلتان جىلۋ الا كەلگەندەرگە اۋدان اكىمىنىڭ العىس حاتى مەن بارشا قاراتوبەلىكتەر اتىنان ەستەلىك سىيلىق تابىس ەتتى.
وڭتۇستىكتەن ارنايى كەلىپ، قامقورلىق تانىتقان جاندار سىن شاقتا قاشان دا ەلمەن بىرگە ەكەندىكتەرىن كورسەتىپ، قازاق ەلى قيىندىقتى بىرگە ەڭسەرەتىندىگىنە سەنىم ءبىلدىردى.
ودان بولەك سۋ تاسقىنىنان زارداپ شەكەن قاراتوبە اۋدانىنا قاراستى قورجىن تۇركىستان وبلىسى ماقتارال اۋدانىنىڭ تۇرعىندارى گۋمانيتارلىق كومەك جىبەردى.
قيىن قىستاۋ شاقتا اعايىندىق تانىتقان ماقتاارالدىقتاردى اۋدان اكىمىنىڭ ورىنباسارى ج.سۇلتان قارسى الىپ ريزاشىلىعىن ءبىلدىردى.
–وسىنداي قيىن-قىستاۋ كەزەڭدە جۇدىرىقتاي جۇمىلعان قازاقتىڭ بەرەكەسى ارتا تۇسەرى ءسوزسىز. وزگە وڭىرلەرمەن بىرگە تۇركىستان وبلىسىنىڭ تۇرعىندارى دا سۋ تاسقىنىنان زارداپ شەككەن ايماقتارعا گۋمانيتارلىق كومەك جيناۋعا ءبىر كىسىدەي اتسالىسىپ جاتىر، - دەدى.
20 توننا تيەلگەن جۇك كولىگىن باستاپ كەلگەن ماقتارالدىق ەرىكتى بيجىگىت تۇرلىبايۇلى. وڭتۇستىكتەگى اعايىننىڭ قامقورلىعىن كورسەتكەن ماقتارال اۋداندىق جاستارمەن جۇمىس جونىندەگى رەسۋرستىق ورتالىعىنىڭ باسشىسى نۇركەن ماحامبەتۇلى قورجىن اۋىلىنا جەرگىلىكتى تۇرعىندارىمەن كەزدەستى.
–حالقىمىزدا «اپات ايتىپ كەلمەيدى» دەگەن ءسوز بار. ارينە، تابيعاتتىڭ توسىن مىنەز تانىتىپ، وتانداستارىمىزدىڭ باسپاناسىنان، مالى مەن دۇنيە-مۇلكىنەن ايىرىلىپ قالعانى قيىن. وسىنداي ساتتە قاراپ قالماعان اۋدان تۇرعىندارى قولىنان كەلگەن كومەگىن بەرۋدە. كەز كەلگەن قيىندىقتىڭ ارتىنان جاقسىلىق كەلەتىنى ءسوزسىز. ءالى-اق بۇل قيىن كۇندەر ارتتا قالىپ، حالقىمىزدىڭ قالىپتى ومىرىنە قايتا ورالاتىنىنا سەنىمدىمىز. ماقتارالدىقتار سىزدەرمەن بىرگە، - دەدى ەرىكتىلەر.
كەزدەسۋدە اققوزىقلىق اعايىن ەرىكتەرلەرگە العىستارىن ءبىلدىرىپ، اق باتاسىن بەردى.
