باتىس قازاقستان وبلىسىنداعى سۋ تاسقىنىنان زارداپ شەككەن تۇرعىندارعا كومەك كورسەتۋ ماقساتىندا «بقو ازاماتتىق اليانس» باستاماسىمەن گۋمانيتارلىق كومەك جيناۋ شتابى اشىلدى، دەپ حابارلايدى "ادىرنا" ءتىلشىسى.
بۇگىنگى تاڭدا اشىلعان گۋمانيتارلىق كومەك جيناۋ ورتالىعى ورال قالاسى اقپاراتتىق تەحنولوگيالار كوللەدجىندە كاريمۋللين كوشەسى، 2/1ا مەكەن جايى بويىنشا جۇمىس ىستەيدى.
قازىرگى تاڭدا گۋمانيتارلىق كومەك توتەنشە جاعداي جاريالانعان ورال قالاسى، سىرىم، كازتالوۆ، قاراتوبە، تەرەكتى، ءبورلى اۋداندارىنا جەتكىزىلدى. كومەك كورسەتۋ شتابى تاراپىنان وبلىس بويىنشا قۇرىلعان
27 ەۆاكوپۋنكتتەردىڭ قاجەتتەلىگى ەسەپتەلەدى. زارداپ شەككەن ۇرعىندارعا نە قاجەت ەكەنىن انىقتاۋ ماقساتىندا ارنايى ينستاگرام پاراقشاسى مەن CALL-تسەنتر اشىلدى.
قازىرگى تاڭدا ەل حالقى تابيعي اپاتتان زارداپ شەككەن وتانداستارىنا جان-جاقتى قولداۋ كورسەتىپ، اۋىزبىرشىلىك تانىتۋدا. ءتىپتى باۋىرلاس قىرعىز ەلىنىڭ حالقى دا قيىن كەزدە كومەك قولىن سوزۋعا ءازىر ەكەنىن كورسەتتى. سۋ تاسقىنىنا بايلانىستى قيىن جاعدايعا تاپ بولعان جەرلەستەرىمىزگە العاشقى گۋمانيتارلىق كومەك كورسەتۋگە باعىتتالعان يگى باستامانى وڭىرىمىزگە بەلگىلى كاسىپكەرلەر، ءىرى كومپانيالار، قالا تۇرعىندارى قولداۋدا. سونىمەن قاتار، پارتيا مۇشەلەرى، وبلىستىق ماسليحات دەپۋتاتتارى، ەتنو-مادەني بىرلەستىك، قوعامدىق ۇيىمدار، جاستار رەسۋرستىق ورتالىقتارىنىڭ وكىلدەرى اتسالىسۋدا.
ءتىلسىز جاۋدان جاپا شەككەندەرگە كومەك كورسەتۋ ىسىنە وڭىرىمىزدەردەگى «Sun City»، «Petro-Unit» سياقتى ءىرى كومپانيالار، «Salut Orto KZ»، «ينۆەستپرودجەكت» جشس-تەرى، «ورال ءسۇت زاۋىتى»، «سۋلەيمەنوۆا» جك، «SBS Grup»، «وتدەل ستروي» كومپانياسى، «ART STROY SERVİS 07»، «Salut Orto KZ» جشسلار، «ەليون» ءتىس ەمحاناسى، «جەلاەۆنان»، «Faberlic» كومپانياسى مەن جەرگىلىكتى كاسىپكەرلەر دە شەت قالىپ جاتقان جوق.
«Biz BIRGEMIZ» قايىرىمدىلىق قورى قايىق، ماتراس، موتوپومپا جانە ازىق-تۇلىك كومەگىن جىبەردى. «ASAR UME» قايىرىمدىلىق قورىنىڭ كۇشىمەن قاراتوبە، ءبورلى، كازتالوۆ، سىرىم اۋداندارىنا موتورلى قايىق، رەزەڭكە ەتىك، موتوپومپا الىندى. سونداي-اق اۋداندارداعى كاسىپكەرلەر، وبلىس ۆولونتەرلەرى، سپورتشىلار، تاكسي جانە گازەل جۇرگىزۋشىلەرى كومەكتەسۋدە.
قاراتوبە اۋدانى كاسىپكەرلەرى، باتىس قازاقستان وبلىسىنىڭ ۆولونتەرلەرى، سپورتشىلارى، مەن گازەل جۇرگىزۋشىلەرى، وبلىستىق «AMANAT» پارتياسىن، قازاقستان حالقى اسسامبلەياسى وكىلدەرى، «قازاق انالارى – داستۇرگە جول» قب فيليالى، «تاريحي شەجىرە» رەسپۋبليكالىق ۇيىمى جانە ت.ب.
جالپى، سۋ تاسقىنى باستالعان ساتتەن باستاپ زارداپ شەككەن حالىققا 256 توننا گۋمانيتارلىق كومەك كورسەتىلدى، ونىڭ ىشىندە 230 توننا ازىق-تۇلىك، 22 توننا ازىق-تۇلىك ەمەس تاۋارلار جانە 4 توننا ءدارى-دارمەك.
كەشەدەن باستاپ الماتى قالاسى جاستار ساياساتى باسقارماسى جىبەرگەن 10 توننا گۋمانيتارلىق كومەك «اirAstana» اۋە كومپانياسىنىڭ بورتىمەن وڭىرگە جەتكىزىلۋدە.
استانا، الماتى، شىمكەنت قالالارى مەن ماڭعىستاۋ وبلىسىنان جانە باۋىرلاس قىرعىز ەلى جيعان كومەك جولدا كەلە جاتىر.
توتەنشە جاعداي دەپارتامەنتى مەن قوعامدىق دامۋ باسقارماسى حالىقتى رەسمي اقپاراتپەن قامتۋ ماقساتىندا ارنايى اقپاراتتىق شتاب قۇردى. سوڭعى ءارى شىنايى اقپارات جاريالاناتىن «BatysToday» تەلەگرام ارناسى اشىلدى.
سۋ تاسقىنىنان زارداپ شەككەندەرگە گۋمانيتارلىق كومەك كورسەتۋ جانە ءتۇرلى قورلارعا تۇسكەن قارجىنى ءبولۋ جونىندەگى كوميسسيا قۇرىلدى. كوميسسيا قۇرامىنا قوعامدىق كەڭەستەردىڭ وكىلدەرى، وبلىستىق ءماسليحات دەپۋتاتتارى، ساياسي پارتيالاردىڭ كوشباسشىلارى، ۇكىمەتتىك ەمەس ۇيىمداردىڭ، ەتنومادەني ورتالىقتاردىڭ، ۋاكىلەتتى مەملەكەتتىك ورگانداردىڭ جانە ت.ب. وكىلدەرى ەنگىزىلدى. كەشە كوميسسيانىن ءبىرىنشى وتىرىسى ءوتتى.
قازىرگى تاڭدا سۋ تاسقىنىنان زارداپ شەككەندەرگە 2 500-دەن استام ۆولونتەر بەلسەندى كومەك كورسەتۋدە.
ا. تاپيشەۆ
باتىس قازاقستان وبلىسىنىڭ ازاماتتىق اليانسىنىڭ پرەزيدەنتى
