Batys Qazaqstan oblysyndaǧy su tasqynynan zardap şekken tūrǧyndarǧa gumanitarlyq kömek körsetılude

Batys Qazaqstan oblysyndaǧy su tasqynynan zardap şekken tūrǧyndarǧa kömek körsetu maqsatynda «BQO Azamattyq Alians» bastamasymen gumanitarlyq kömek jinau ştaby aşyldy, dep habarlaidy "Adyrna" tılşısı. Bügıngı taŋda  aşylǧan  Gumanitarlyq kömek jinau ortalyǧy Oral qalasy  aqparattyq tehnologiialar kolledjınde Karimullin köşesı, 2/1A meken jaiy boiynşa jūmys ısteidı. Qazırgı taŋda gumanitarlyq kömek tötenşe jaǧdai jariialanǧan Oral qalasy, Syrym, Kaztalov, Qaratöbe, Terektı, Börlı audandaryna jetkızıldı. Kömek körsetu ştaby tarapynan oblys boiynşa qūrylǧan 27 evakopunktterdıŋ qajettelıgı esepteledı. Zardap şekken ūrǧyndarǧa ne qajet ekenın anyqtau maqsatynda  arnaiy instagram paraqşasy men CALL-sentr aşyldy. Qazırgı taŋda el halqy tabiǧi apattan zardap şekken otandastaryna jan-jaqty qoldau körsetıp, auyzbırşılık tanytuda. Tıptı bauyrlas qyrǧyz elınıŋ halqy da qiyn kezde kömek qolyn sozuǧa äzır ekenın körsettı. Su tasqynyna bailanysty qiyn jaǧdaiǧa tap bolǧan jerlesterımızge alǧaşqy gumanitarlyq kömek körsetuge baǧyttalǧan igı bastamany öŋırımızge belgılı käsıpkerler, ırı kompaniialar, qala tūrǧyndary  qoldauda. Sonymen qatar, partiia müşelerı, oblystyq maslihat deputattary,  etno-mädeni bırlestık, qoǧamdyq ūiymdar, jastar resurstyq ortalyqtarynyŋ  ökılderı atsalysuda. Tılsız jaudan japa şekkenderge kömek körsetu ısıne öŋırımızderdegı  «Sun City», «Petro-Unit» siiaqty ırı kompaniialar,  «Salut Orto KZ», «İnvestProdjekt» JŞS-terı, «Oral süt zauyty», «Suleimenova» JK, «SBS Grup», «Otdel stroi» kompaniiasy, «ART STROY SERVİS 07», «Salut Orto KZ» JŞSlar, «Elion» tıs emhanasy, «JelaevNAN», «Faberlic» kompaniiasy men jergılıktı käsıpkerler de şet qalyp jatqan joq. «Biz BIRGEMIZ» qaiyrymdylyq qory qaiyq,  matras,  motopompa jäne azyq-tülık kömegın jıberdı. «ASAR UME» qaiyrymdylyq qorynyŋ küşımen Qaratöbe, Börlı, Kaztalov, Syrym audandaryna motorly qaiyq, rezeŋke etık, motopompa alyndy. Sondai-aq audandardaǧy käsıpkerler, oblys volonterlerı, sportşylar, taksi jäne gazel jürgızuşılerı kömektesude. Qaratöbe audany käsıpkerlerı, Batys Qazaqstan oblysynyŋ volonterlerı, sportşylary, men gazel jürgızuşılerı, oblystyq «AMANAT» partiiasyn, Qazaqstan halqy Assambleiasy ökılderı, «Qazaq analary – Dästürge jol» QB  filialy, «Tarihi şejıre» respublikalyq ūiymy jäne t.b. Jalpy, su tasqyny bastalǧan sätten bastap zardap şekken halyqqa        256 tonna gumanitarlyq  kömek körsetıldı, onyŋ ışınde 230 tonna azyq-tülık, 22 tonna azyq-tülık emes tauarlar jäne 4 tonna därı-därmek. Keşeden bastap  Almaty qalasy Jastar saiasaty basqarmasy jıbergen        10 tonna gumanitarlyq kömek «AirAstana» äue kompaniiasynyŋ bortymen öŋırge jetkızılude. Astana, Almaty, Şymkent qalalary men Maŋǧystau oblysynan jäne bauyrlas qyrǧyz elı jiǧan kömek  jolda kele jatyr.   Tötenşe jaǧdai  departamentı men Qoǧamdyq damu basqarmasy  halyqty resmi aqparatpen qamtu maqsatynda arnaiy aqparattyq ştab qūrdy. Soŋǧy ärı şynaiy aqparat jariialanatyn «BatysToday» telegram arnasy aşyldy. Su tasqynynan zardap şekkenderge gumanitarlyq kömek körsetu jäne türlı qorlarǧa tüsken qarjyny bölu jönındegı komissiia qūryldy. Komissiia qūramyna Qoǧamdyq keŋesterdıŋ ökılderı, oblystyq mäslihat deputattary, saiasi partiialardyŋ köşbasşylary, ükımettık emes ūiymdardyŋ, etnomädeni ortalyqtardyŋ, uäkılettı memlekettık organdardyŋ jäne t.b. ökılderı  engızıldı.  Keşe komissiianyn bırınşı otyrysy öttı. Qazırgı taŋda su tasqynynan zardap şekkenderge 2 500-den astam volonter belsendı kömek körsetude.  

A. Tapişev

Batys Qazaqstan oblysynyŋ Azamattyq Aliansynyŋ prezidentı