اقتاۋداعى كافەلەردىڭ بىرىندە اتىس بولدى، دەپ حابارلايدى "ادىرنا" ءتىلشىسى Lada.kz-كە سىلتەپ.
كافە قوناقتارى تاماقتانعان سوڭ ەسەپتى تولەمەي كەتىپ قالماق بولعان. الايدا ولاردى كافە قىزمەتكەرلەرى توقتاتىپ، ەكى تاراپ اراسىندا جانجال تۋعان.
سالدارىنان كافەگە كەلۋشىلەردىڭ ءبىرى تاپانشادان اۋەگە وق اتقان.
وقيعا ورنىنا پاترۋلدىك پوليتسيا مەن ارنايى جاساق كەلدى. قازىرگى تاڭدا وقيعانىڭ ءمان-جايىن قۇزىرلى ورگاندار انىقتاپ جاتىر.
زارداپ شەككەندەر مەن قازا تاپقاندار جوق.
