مەملەكەت باسشىسى قىرعىزستان پرەزيدەنتى سادىر جاپاروۆپەن تەلەفون ارقىلى سويلەستى، - دەپ حابارلايدى “ادىرنا” ۇلتتىق پورتالى.
قاسىم-جومارت توقاەۆ سۋ تاسقىنىنا بايلانىستى باۋىرلاس ەلدىڭ كورسەتكەن كومەگى ءۇشىن سادىر جاپاروۆ پەن قىرعىزستان حالقىنا العىس ايتتى. سونداي-اق بۇل گۋمانيتارلىق كومەك ەكى ەل اراسىنداعى شىنايى دوستىقتى، تىلەۋلەستىكتى جانە تىعىز وداقتاستىق قارىم-قاتىناستى بىلدىرەتىنىن اتاپ ءوتتى.
مەملەكەتتەر باسشىلارى قازاق-قىرعىز قاتىناستارى بارلىق باعىتتا قارقىندى دامىپ كەلە جاتقانىنا نازار اۋداردى.
اڭگىمەلەسۋ بارىسىندا پرەزيدەنتتەر ساۋدا-ەكونوميكالىق، ينۆەستيتسيالىق جانە مادەني-گۋمانيتارلىق ىنتىماقتاستىقتى ودان ءارى نىعايتۋ پەرسپەكتيۆالارىن تالقىلادى.
سونىمەن قاتار تاراپتار حالىقارالىق جانە وڭىرلىك كۇن ءتارتىبى بويىنشا پىكىر الماستى.
قىرعىزستان پرەزيدەنتى جاقىن ارادا قاسىم-جومارت توقاەۆتىڭ شاقىرۋىمەن قازاقستانعا رەسمي ساپارمەن كەلەتىنىن راستادى.
ۇقساس جاڭالىقتار
