بۇگىن، 5 شىلدەدە قازاقستان پارلامەنت پالاتالارىنىڭ بىرلەسكەن وتىرىسى ءوتىپ، التىنشى سايلانعان پارلامەنت ءتورتىنشى سەسسياسىن اياقتادى. پارلامەنتى ءماجىلىسىنىڭ توراعاسى نۇرلان نىعماتۋلين پارالامەنتتىڭ دەمالىسقا كەتەتىنىن جاريالادى.
«پارلامەنت ەلىمىز ءۇشىن، حالقىمىز ءۇشىن كوپتەگەن قاجەتتى زاڭداردى قابىلدادى. وندا ەلباسى نۇرسۇلتان نازارباەۆتىڭ ءتورتىنشى سەسسيانىڭ اشىلۋىندا بەرگەن تاپسىرمالارى مەن قازاقستان حالقىنا جولداۋى باسشىلىققا الىندى»، - دەدى نىعماتۋلين.
وتكەن سەسسيا ماڭىزدى تاريحي وقيعالارعا تولى بولعانىن اتاپ وتكەن ول اتقارىلعان جۇمىستارعا ەسەپ بەردى.
«سەسسيا بارىسىندا قوس پالاتانىڭ بەس بىرلەسكەن وتىرىسى، ءماجىلىستىڭ 41 جانە سەناتتىڭ 46 جىلپى وتىرىسى ءوتتى. وندا 319 ماڭىزدى ماسەلە قارالدى. جالپى، ءتورتىنشى سەسسيا باستالعان كەزدەن 83 زاڭ جوباسى قابىلداندى. ونىڭ ىشىندە 82 قۇجاتقا مەملەكەت باسشىسى قول قويىپ، ولار ءوز كۇشىنە ەندى»، - دەدى ءماجىلىس توراعاسى.
قابىلدانعان زاڭ جوبالارىنىڭ ىشىندە بىرقاتار داۋلى قۇجاتتار بار.
20 ناۋرىزداعى استانا قالاسىنىڭ اتاۋىن نۇرسۇلتان دەپ وزگەرتۋ تۋرالى زاڭ جوباسى دا بار. ماجىلىستەگى 103 دەپۋتات، سەناتتاعى 43 دەپۋتاتتىڭ بارلىعى بۇل ۇسىنىستى ءبىراۋىزدان قولدادى. دەپۋتاتتار قالا اتاۋىن رەفەرەندۋمسىز وزگەرتۋدى ۇسىنىپ، ال كونستيتۋتسيالىق كەڭەس بۇل ۇسىنىستى وڭ باعالادى.
سونىمەن قاتىر، دوپينگ قولدانعان سپورتشىلارعا جازا قاراستىرىلعان, "ءدىني قىزمەت پەن ءدىني بىرلەستىكتەر تۋرالى", "باسشىلار قىزمەتكەرلەرىنىڭ كوررۋپتسيالىق ارەكەتتەرى ءۇشىن جاۋاپ بەرەتىن", «ءىس-شارالارعا جۋرناليستەردى قاتىستىرۋ ەرەجەسىن كۇشەيتۋدى ۇسىنعان»، «كينەماتوگرافيا تۋرالى» جانە تاعى باسقا قۇجاتتار بار.
نۇرلان نىعماتۋلين، وتكەن سەسسيادا پارلامەنتتە 20 ۇكىمەت ساعاتى، ءۇش پارلامەنتتىك تىڭداۋ، 24 «دوڭگەلەك ۇستەل» وتىرىسى، كوميتەتتەردىڭ 29 كوشپەلى وتىرىسى، سونداي-اق ءتورت حالىقارالىق كونفەرەنتسيا وتكەنىن ايتتى.
دەرەككوز: kznews.kz
"ادىرنا" ۇلتتىق پورتالى
