Búgin, 5 shildede Qazaqstan parlament palatalarynyń birlesken otyrysy ótip, altynshy saılanǵan parlament tórtinshi sessııasyn aıaqtady. Parlamenti májilisiniń tóraǵasy Nurlan Nyǵmatýlın paralamenttiń demalysqa ketetinin jarııalady.
«Parlament elimiz úshin, halqymyz úshin kóptegen qajetti zańdardy qabyldady. Onda elbasy Nursultan Nazarbaevtyń tórtinshi sessııanyń ashylýynda bergen tapsyrmalary men Qazaqstan halqyna Joldaýy basshylyqqa alyndy», - dedi Nyǵmatýlın.
Ótken sessııa mańyzdy tarıhı oqıǵalarǵa toly bolǵanyn atap ótken ol atqarylǵan jumystarǵa esep berdi.
«Sessııa barysynda qos palatanyń bes birlesken otyrysy, májilistiń 41 jáne senattyń 46 jylpy otyrysy ótti. Onda 319 mańyzdy másele qaraldy. Jalpy, tórtinshi sessııa bastalǵan kezden 83 zań jobasy qabyldandy. Onyń ishinde 82 qujatqa Memleket basshysy qol qoıyp, olar óz kúshine endi», - dedi májilis tóraǵasy.
Qabyldanǵan zań jobalarynyń ishinde birqatar daýly qujattar bar.
20 naýryzdaǵy Astana qalasynyń ataýyn Nursultan dep ózgertý týraly zań jobasy da bar. Májilistegi 103 depýtat, senattaǵy 43 depýtattyń barlyǵy bul usynysty biraýyzdan qoldady. Depýtattar qala ataýyn referendýmsiz ózgertýdi usynyp, al konstıtýııalyq keńes bul usynysty oń baǵalady.
Sonymen qatyr, dopıng qoldanǵan sportshylarǵa jaza qarastyrylǵan, "Dinı qyzmet pen dinı birlestikter týraly", "basshylar qyzmetkerleriniń korrýpııalyq áreketteri úshin jaýap beretin", «is-sharalarǵa jýrnalısterdi qatystyrý erejesin kúsheıtýdi usynǵan», «Kınematografııa týraly» jáne taǵy basqa qujattar bar.
Nurlan Nyǵmatýlın, ótken sessııada parlamentte 20 úkimet saǵaty, úsh parlamenttik tyńdaý, 24 «dóńgelek ústel» otyrysy, komıtetterdiń 29 kóshpeli otyrysy, sondaı-aq tórt halyqaralyq konferenııa ótkenin aıtty.
Derekkóz: kznews.kz
"Adyrna" ulttyq portaly
