الەم بويىنشا ەڭ كەدەي پرەزيدەنت كىم؟

ءبىر ەلدى اۋزىنا قاراتىپ، ەل باسقارعان پرەزيدەنتتەردى ادەتتە ۇلدە مەن بۇلدەگە ورىنعان، قالاعانى ورىندالاتىن ادام رەتىندە ەلەستەتەمىز. الايدا قاراپايىمدىلىقتى سەرىك ەتىپ، "حالىقتان ۇلكەن ەمەسپىز" دەپ، كىشىپەيىلدىك تانىتقان پرەزيدەنتتەر دە بار.

3-ورىن: دجيممي كارتەر، (1977-1981) جىلدار ارالىعىندا اقش-تىڭ  پرەزيدەنتى بولعان.

دجيممي كارتەر اقش-تى 4 جىل عانا باسقارعان. قازىر ول – 94 جاستا. ول ءوزىنىڭ ايەلىمەن بىرگە كىشكەنتاي ۇيدە تۇرىپ جاتىر. ول پرەزيدەنتتىك مەرزىمى اياقتالعاننان كەيىن بيزنەسپەن اينالىسقان. الايدا ءبارى ءساتسىز اياقتالدى. سونداي-اق ول 210 مىڭ دوللار پرەزيدەنتتىك زەينەتاقى الادى. قازىرگى تاڭدا ول ءۇي شارۋاشىلىعىن قاداعالاپ، سالاۋاتتى ءومىر سالتىن ۇستانادى.

2-ورىن: ماحمۋد احمادينەجاد (2005-2013) جىلدارى يراننىڭ پرەزيدەنتى بولعان. 

ول الەمدىك ارەنادا اقش-قا ءتۇرلى سانكتسيالار ارقىلى قارسىلىق ءبىلدىرىپ وتىرعان. ماحمۋد احمەدينەجاد پرەزيدەنت بولعان كەزدە ونىڭ مەنشىگىندە اكەسىنەن مۇراعا قالعان يرانداعى ەڭ كەدەي اۋداندا ورنالاسقان لاشىعى مەن ەسكى كولىگى بولعان.

سونىمەن قاتار، ول قىمبات دۇنيەلەرگە قىزىقپاعان. ءتىپتى پرەزيدەنت بولعان كەزدىڭ وزىندە كابينەتىندەگى قىمبات كىلەمدەردى ارزان كىلەمدەرگە اۋىستىرعان. ال پەرسيالىق قىمبات كىلەمدەردى مەشىتتەردىڭ بىرىنە بەرىپتى. جۇمىسقا جۇرت قاتارلى اۆتوبۋسپەن بارىپ، تۇسكى اسقا ايەلى ىرىمشىك قوسىپ جاساعان بۋتەربرودتى جەگەن. ەڭ قىزىعى، پرەزيدەنتتىك زەينەتاقىدان باس تارتىپ، ۋنيۆەرسيتەتتەردەگى جۇمىسى ارقىلى كۇنىن كورىپ ءجۇر.

1-ورىن: حوسە البەرتو مۋحيكا كوردانو، (2010-2015) جىلدارى ۋرۋگۆايدىڭ پرەزيدەنتى بولعان. 

ونى الەمدەگى ەڭ كەدەي پرەزيدەنت دەپ تە اتايدى. قازىر ول – 83 جاستا. ءوزىنىڭ اي سايىن بەرىلەتىن 12 500 دوللار پرەزيدەنتتىك زەينەتاقىسىنىڭ 90 پايىزىن قايىرىمدىلىققا جۇمسايدى. ءوزى 1250 دوللارعا كۇن كورىپ ءجۇر. ۋرۋگۆايدىڭ ەكس-پرەزيدەنتى ايەلىمەن بىرگە شارۋا قوجالىعىندا تۇرادى. سۋدى قۇدىقتان تاسيدى. سونداي-اق، ەڭ قىمباتقا العان دۇنيەسى 2000 دوللارلىق – 1987 جىلعى كولىك.  ءتىپتى رەسمي تۇردە ساقتاندىرىلماعان.

ءتۇيىن: ولاردىڭ ءزاۋلىم سارايدا تۇرىپ، اۋقاتتى ءومىر سۇرۋگە مۇمكىندىگى بولعان جوق ەمەس، بولدى. الايدا ولار بايلىقتان باس تارتتى. پرەزيدەنتتىك مەرزىمدە قالتاسىنىڭ قامىن ەمەس، حالىقتىڭ ءال-اۋقاتىن، جاعدايىن ويلادى. جاي عانا حالىقتىڭ الدىندا ءوز مىندەتتەرىن ادال اتقارۋعا تىرىستى. تاريحتا ەڭ زالىم، ەڭ قوماعاي حان رەتىندە دە نەمەسە ەڭ قاراپايىم، ەڭ ادال پاتشا رەتىندە دە قالۋعا بولادى.