ەلدىڭ بولاشاعى ونىڭ قاۋىپسىزدىك قىزمەتىنە تىعىز بايلانىستى. ۇلتتىق قاۋىپسىزدىك – قوعامنىڭ جانە جەكە تۇلعانىڭ دامۋى مەن ءومىر ءسۇرۋىنىڭ ۇيلەسىمدى شارتتارىن ۇستانۋ بويىنشا ءتيىمدى قىزمەتتى قامتاماسىز ەتەتىن الەۋمەتتىك ينستيتۋتتار جاعدايىن سيپاتتايتىن عىلىمي جانە تاجىريبەلى ماسەلە برلىپ ەسەپتەلەدى.
ۇلتتىق قاۋىپسىزدىك ءوزارا بايلانىستى ءۇش دەڭگەيدەن تۇرادى: جەكە ادامنىڭ قاۋىپسىزدىگى، قوعامنىڭ قاۋىپسىزدىگى جانە مەملەكەتتىڭ قاۋىپسىزدىگى. ولاردىڭ ءوزارا بايلانىسى قوزعالمالى جانە قوعامدىق قاتىناستاردىڭ سيپاتىمەن، ساياسي جانە ەكونوميكالىق قۇرىلىمدارمەن، قۇقىقتىق مەملەكەت پەن ازاماتتىق قوعامنىڭ دامۋ دەڭگەيىمەن انىقتالادى. ايتىلعان قورعانىس ماسەلەلەرىنە بايلانىستى قازاقستان پرەزيدەنتى قاسىم-جومارت كەمەلۇلى توقاەۆ 2021 جىلى ون ۇلتتىق جوبانى بەكىتكەنى بەلگىلى. وسى تىزبەگە «قاۋىپسىز ەل» ۇلتتىق جوباسى دا كىردى. اتالعان جوبا باعىتىنىڭ ءبىرى – «قارۋلى كۇشتەردى جاڭعىرتۋ».ۇلتتىق جوبانى ىسكە اسىرۋ قارۋ مەن وق-دارىلەردى ساقتاۋ قاۋىپسىزدىگىن، وتاندىق قورعانىس ونەركاسىبى كەشەنى كاسىپورىندارىندا قارۋ-جاراقتىڭ تاجىريبەلىك ۇلگىلەرىن شىعارۋدى، سونداي-اق اسكەري وبەكتىلەردى جەتىلدىرۋدى قامتاماسىز ەتەدى.
سونىمەن بىرگە، قارۋلى كۇشتەردءىاقپاراتتاندىرۋ جانە اقپاراتتىق-كوممۋنيكاتسيالىق تەحنولوگيا قۇرالدارىن پايدالانۋ اۋقىمىن كەڭەيتۋ، اسكەري عىلىمدى دامىتۋ جانە عىلىمي-ەكسپەريمەنتتىك بازانى جەتىلدىرۋ ماسەلەلەرىنە جەكە نازار اۋدارىلۋدا.بۇل رەتتە سىني تۇرعىدا ويلاۋعا جانە شەشىم قابىلداۋعا قابىلەتتى، قازىرگى زامانعى ۇلگىدەگى تەحنيكامەن جانە قارۋ-جاراقپەن جۇمىس ىستەي الاتىن كادرلاردى دايارلاۋ ماسەلەسى دە وزەكتى بولىپ وتىر. وسى جۇمىستى كۇشەيتۋ ماقساتىندا تاۋەلسىز مەملەكەتتەر دوستاستىعى ەلدەرىنىڭ جانە الىس شەتەلدەردىڭ عىلىم-ءبىلىم بەرۋ مەكەمەلەرىمەن بايلانىستى كەڭەيتۋ ماڭىزدى. ءبىز الەمدەگى اسكەري-ساياسي احۋالدىڭ وزگەرۋىنە كۋا بولىپ وتىرمىز. ودان ءارى قورعانىس قابىلەتىن نىعايتۋ جونىندە شارالار قابىلداۋ قاجەتتىلىگى وڭىرلىك قاۋىپسىزدىككە تونەتىن سىن-قاتەردىڭ بار ەكەنىن ايقىن كورسەتەدى. قارۋلى كۇشتەر ۇزدىك قازىرگى زامانعى اسكەري ستاندارتتارعا سايكەس بولۋعا ماڭىزدى. وسى ماقساتتا اسكەري قاۋىپسىزدىك سالاسىندا نورماتيۆتىك قۇجاتتار بەكىتىلگەن. قازاقستان پرەزيدەنتى – جوعارعى باس قولباسشى 2021 جىلعى تامىزدا قارۋلى كۇشتەردىڭ، باسقا دا اسكەرلەر مەن اسكەري قۇرالىمداردىڭ قۇرىلىسى مەن دامۋ تۇجىرىمداماسىن بەكىتكەنى دە بەلگىلى.وسىعان بايلانىستى، قازاقستاندا اسكەري قاۋىپسىزدىكتى قامتاماسىز ەتۋ ءۇشىن قاجەتتى ستراتەگيالىق جانە باعدارلامالىق قۇجاتتار ازىرلەندى. بۇل – 2021-2025 جىلدارعا ارنالعان ۇلتتىق قاۋىپسىزدىك ستراتەگياسىنىڭ «ەلدىڭ قورعانىس قابىلەتىن نىعايتۋ» ءبولىمى، جاڭا ەل قورعانىسى جوسپارى قۇجاتتارىنىڭ جيىنتىعى، جاڭا 2030 جىلعا دەيىن قارۋلى كۇشتەردىڭ، باسقا دا اسكەرلەر مەن اسكەري قۇرالىمداردىڭ قۇرىلىسى مەن دامۋ تۇجىرىمداماسى.
تۇجىرىمدامانى ىسكە اسىرۋ تەتىكتەرىنىڭ ءبىرى پرەزيدەنت بەكىتكەن «قاۋىپسىز ەل» ۇلتتىق جوباسى بولىپ تابىلادى. «ەل پرەزيدەنتى قازاقستان حالقىنا جولداۋىندا وڭىردەگى اسكەري-ساياسي احۋالدىڭ وزگەرۋىن، ودان ءارى ورتا مەرزىمدى كەزەڭگە ارنالعان مەملەكەتتىڭ اسكەري قاۋىپسىزدىگىن ۇيىمداستىرۋ پايىمىن ەسكەرە وتىرىپ، اسكەري دوكترينانى قايتا ازىرلەۋ بويىنشا تاپسىرما بەردى. ەلدىڭ قورعانىس قابىلەتى، قارۋلى كۇشتەردى قازىرگى زامانعىقارۋ-جاراقپەن جانە اسكەري تەحنيكامەن جاراقتاندىرۋ، سونداي-اق اسكەري قىزمەتشىلەردى الەۋمەتتىك قامسىزداندىرۋ ماسەلەلەرى جوعارعى باس قولباسشىنىڭ باستى نازارىندا»، - دەپ قورعانىس ۆەدومستۆوسىنىڭ باسشىسى اتاپ وتكەن بولاتىن. «تۇتاستاي العاندا، شەكارا زاستاۆالارىنىڭ ماتەريالدىق-تەحنيكالىق بازاسى مەن الەۋمەتتىك وبەكتىلەرىنىڭ جاي-كۇيىن تەكسەرۋدى ۇلتتىق قاۋىپسىزدىك كوميتەتىنىڭ شەكارا قىزمەتى مۇددەلى مەملەكەتتىك جانە جەرگىلىكتى اتقارۋشى ورگاندارمەن بىرلەسىپ تۇراقتى نەگىزدە جۇرگىزەدى. تەكسەرۋ قورىتىندىسى بويىنشا ۋاكىلەتتى ورگاندار ءتيىستى ءىس-شارالار قابىلدايدى»، - دەپ اتاپ ءوتكەن بولاتىر ۇكىمەت باسشىسى. بۇل دەرەكتەردە ۇقك شق اسكەري قىزمەتشىلەرى ءۇشىن قولايلى تۇرعىن ءۇي-تۇرمىستىق جاعدايلار جاساۋ ماقساتىندا «قاءۋىپسىز ەل» ۇلتتىق جوباسىندا شەكارا بولىمشەلەرىنىڭ 50 تيپتىك كەشەنىن (اكىمشىلىك عيماراتتاردان، تۇرعىن ۇيلەردەن، اسحانالاردان، كازارمالاردان، تاۋارلىق-ماتەريالدىق قۇندىلىقتاردى ساقتاۋ قويمالارىنان، گاراجداردان، تۇراتىن قازاندىقتار جانە باسقالارى) 2021-2025 جىلدار ارالىعىندا 71 ملرد تەڭگەدەن استام سوماعا جوبالاۋ جانە سالۋ جونىندەگى ءىس-شارالار كوزدەلگەن بولاتىن. سونىڭ ىشىندەگى «قاۋىپسىز ەل» ۇلتتىق جوباسى ءمانى مەن ماڭىزدىلىعى تۇرعىسىنان ويىپ تۇرىپ ورىن الادى دەسەك بولادى. اسىرەسە، قاۋىپسىزدىك ماسەلەسى الدىڭعى قاتارداعى وزەكتى ماسەلە ەكەنىن ەستەن شىعارماعان ءجون. ونىڭ ۇستىنە، قارۋلى كۇشتەر زامان تالابىنا ساي مەملەكەتتىڭ ەگەمەندىگى مەن اۋماقتىق تۇتاستىعىن، ءوز حالقىنىڭ ۇلتتىق مۇددەسىن قورعاۋعا ارقاشان دايىن بولۋى ءتيىس.
جوعارىدا ايتقان «قاۋىپسىز ەل» ۇلتتىق جوباسى باعىتىنىڭ ءبىرى – «قارۋلى كۇشتەردى جاڭعىرتۋ». ناتيجەسىندە، اسيممەتريالى جانە گيبريدتى سىن-قاتەرلەرگە تويتارىس بەرۋگە دايىن بولۋ، اسكەري پروتسەستى باسقارۋدا جاڭا تەحنولوگيانى ەنگىزۋ جانە اۆتوماتتاندىرۋ – وسىنىڭ بارلىعى بۇگىندە ماڭىزدى بولىپ وتىر.مۇنىڭ سىرتىندا پرەزيدەنت وتكەن جىلى قارۋلى كۇشتەردىڭ، باسقا دا اسكەرلەر مەن اسكەري قۇرىلىمداردىڭ قۇرىلىسى مەن دامۋ تۇجىرىمداماسىن بەكىتتى. ونى ىسكە اسىرۋ مەملەكەتتىڭ قورعانىس قابىلەتىن ارتتىرۋعا، اسكەري قاۋىپسىزدىككە تونەتىن قازىرگى زامانعى سىن-قاتەرگە پارا-پار دەن قويۋعا جانە بەيبىت ۋاقىتتىڭ مىندەتتەرىن ءتيىمدى ورىنداۋعا مۇمكىندىك بەرەدى. مۇنىڭ بارلىعى كەلەشەگىمىزدى جاڭا قىرىنان ايقىنداپ، ەركىن دە ەڭسەلى ءارى قاۋىپسىز قوعامعا نىق قادام باسۋعا تولىق كەپىل بولا الادى.
