13-16 ناۋرىز ارالىعىندا سوچي تاۋلارىندا «روزا حۋتور» كۋرورتىندا تاۋ-شاڭعى يندۋسترياسىنىڭ الەمىندەگى ەلەۋلى وقيعا –ەۋرازيانىڭ تاۋ كۋرورتتارىنىڭ فەستيۆالى ءوتتى!
فەستيۆال 2023 جىلدىڭ ماۋسىم ايىندا قۇرىلعان تاۋ كۋرورتتارىنىڭ ەۋرازيالىق اليانسى (تكەا) وتكىزگەن العاشقى ءىرى شارا بولدى. ونىڭ قۇرامىنا «شىمبۇلاق»، «روزا حۋتور» (رەسەي), «اميرسوي» (وزبەكستان), سوندا ي-اق «شاحداگ» ء(ازىربايجان) كۋرورتتارى كىرەدى. بىرلەستىكتىڭ ماقساتى – ەۋرازياداعى ءتۋريزمنىڭ ستراتەگيالىق دامۋىنا، كاسىبي قارىم-قاتىناستى دامىتۋعا، تاۋ كۋرورتتارىنىڭ ۇزدىك تاجىريبەسى مەن برەندتەرىن تانىتۋعا ارنالعان پلاتفورمامەن جابدىقتاۋ.
فەستيۆالعا ءتۇرلى ەلدەن كەلگەن 150 قوناق قاتىستى، ولاردىڭ اراسىندا ارمەنيا، ءازىربايجان، بەلارۋس، قازاقستان، قىتاي، قىرعىزستان، رەسەي، تاجىكستان جانە وزبەكستاننىڭ وكىلدەرى بار. بۇل شارا تاۋ-شاڭعى سپورتىن سۇيەتىندەر ءۇشىن ناعىز مەرەكەگە اينالدى.
اشىلۋ سالتاناتى تاۋلى وليمپيادالىق قالاشىقتا ءوتتى، وندا قاتىسۋشىلار كوماندالارى «مۋجسكوي وليمپيسكي سپۋسك» (1600 م) جولىندا ءوز شەبەرلىكتەرىن كورسەتتى. شىمبۇلاق نۇسقاۋشىلارى كوز تارتارلىق سينحروندى سىرعاناۋ ونەرىن كورسەتىپ، قولداۋ مەن قوشەمەتكە يە بولدى.
ءتورت كۇن بويى كاسىبي پىكىرتالاستار، مادەني شارالار جانە ءبىلىم بەرۋ باعدارلامالارى ءوتىپ، قاتىسۋشىلاردى تاۋ-شاڭعى ءتۋريزمىن دامىتۋعا دەگەن قۇلشىنىستارى بىرىكتىردى.
وسىلايشا، فەستيۆال اياسىندا ءتۋريزمدى دامىتۋ، تۋريستتىك قىزمەتتەر ساپاسىنىڭ بىرەگەي ستاندارتتارىن ەنگىزۋ جانە مەملەكەتارالىق تۋريستىك تاۋ مارشرۋتىن جاساۋ تاقىرىپتارىنا ارنالعان دوڭگەلەك ۇستەلدەر مەن پىكىرتالاستار وتكىزىلدى. باستى ماقساتتارىنىڭ ءبىرى – اليانسقا كىرەتىن تاۋ كۋرورتتارى اراسىندا بىرەگەي سكي-پاسستى ەنگىزۋ، سونىڭ ارقاسىندا كۋرورتتاعى قىزمەت كورسەتۋ ساپاسىنىڭ بىرەگەي دەڭگەيىن قالىپتاستىرىپ، تۋريستتىك اعىندى كوبەيتۋگە بولادى.
فەستيۆالداعى مادەني قارىم-قاتىناسقا ەرەكشە نازار اۋدارىلدى. كورمە اياسىندا ءار ەل ءوزىنىڭ ۇلتتىق تاعامدارىمەن تانىستىردى، ال شىمبۇلاق قوناقتاردى بەشبارماق، باۋىرساق سياقتى قازاقي تاعامدارمەن قۋانتىپ، كەلۋشىلەردىڭ جۇرەگىن جاۋلادى.
فەستيۆالدىڭ قورىتىندى كەزەڭىندە ءداستۇردى جالعاستىرۋ ەستافەتاسى «شاحداگ» كۋرورتىنا بەرىلدى، كۋرورت 2025 جىلى شارانى ۇيىمداستىرۋعا بەل سىبانا كىرىسپەك.
سونداي-اق، ءبىزدىڭ قازاقستاندىق "Oi-Qaragai" تاۋ كۋرورتى وسى تاماشا سپورت ءتۇرىن دامىتۋشى تاۋ-شاڭعى كۋرورتتارى وتباسىلارىنىڭ قاتارىن كەڭەيتىپ، تاۋ كۋرورتتارىنىڭ ەۋرازيالىق اليانسىنا مۇشە بولدى.
