قىتاي قىزدارىن جىلاتقان ديماشتىڭ سۇيىكتىسى كىم؟!

5723

قىتاي قىزدارىنىڭ كومەيىنە وكىنىشتەن تۇز قۇيىلىپ جاتقان سىڭايلى...

ديماش قۇدايبەرگەن مەن ونىڭ سۇيىكتىسى نۇرساۋلە اۋباكىروۆا نۇر-سۇلتان قالاسىنداعى ونەر ۋنيۆەرسيتەتىندە بىرگە وقىعان. ال كەزدەسىپ، كوڭىل جاراستىرىپ جۇرگەندەرىنە جىلعا جۋىق ۋاقىت بولىپتى.

1

ديماش قۇدايبەرگەننىڭ جۇرەگىن جاۋلاعان بۇرىمدىنىڭ بار ەكەنىن بىلگەن ونىڭ جانكۇيەرلەرى ءبىرى قۋانسا، ەكىنشىسى قىزعانىپ، جەلىدە شۋ بولىپ جاتىر. جاقىن ارادا نۇرساۋلە مەن ديماشتىڭ بىرگە تۇسكەن سۋرەتىن الەۋمەتتىك جەلىدەگى ءبىر اككاۋنت جاريالاعان. ارتىنشا اتالعان سۋرەت ءوشىرىلدى. بىراق سول فوتودان كەيىن ينستاگرامدا نۇرساۋلە اۋباكىروۆا دەگەن ەسىممەن اشىلعان اككاۋنتتار جاۋىننان كەيىنگى ساڭىراۋقۇلاقشا قاپتادى.

2

"ديماشپەن تۇسكەن سۋرەتتى نۇرساۋلە فوتورەداكتورلار ارقىلى جاساپ العان" دەگەن پىكىر قالدىرعان جانكۇيەرلەر كەلەسى فاكتىلەردى كورىپ، ءبىر قۇلازىپ قالاتىن شىعار. نۇرساۋلە اۋباكىروۆانى جۋرناليستەر ۆكونتاكتە جەلىسىنەن تاپقان.

شىمكەنتتىك 20 جاستاعى بۇرىمدى ديماش تامامداعان قازاق ۇلتتىق ونەر ۋنيۆەرسيتەتىندە رەجيسسەر ماماندىعىن يگەرۋدە. ول قىتايلىق باسىلىمدار ديماش ەكەۋىنىڭ سۋرەتىن جاريالاعان اككاۋنتتىڭ وزىنە تيەسىلى بولعانىن جاسىرمادى.

دەمەك، ديماشتى اڭساعان قىسىق كوز قىتاي قىزدارىنىڭ شاڭ قاۋىپ قالعانى – بۇل! كوپشىلىك ديماش پەن نۇرساۋلەگە باقىت تىلەپ، اعىنان جارىلدى.

 

"قامشى" پورتالى

پىكىرلەر