رەسەي پرەزيدەنتى ۆلاديمير پۋتين رەسەي يادرولىق سوعىسقا تەحنيكالىق تۇرعىدان دايىن ەكەنىن مالىمدەدى. بۇل تۋرالى ول سايلاۋالدى ۇگىتشى دميتري كيسەلەۆكە بەرگەن سۇحباتىندا ايتتى، دەپ حابارلايدى “ادىرنا” ۇلتتىق پورتالى.
سونداي-اق، پۋتين ۋكراينادا «جاپپاي قىرىپ-جوياتىن قارۋدى قولدانۋدىڭ قاجەتتىلىگى ەشقاشان بولماعان» دەپ قوستى.
كرەمل باسشىسىنىڭ ايتۋىنشا، ۇلتتىق قاۋىپسىزدىك دوكتريناسىنا سايكەس ماسكەۋ «رەسەي مەملەكەتىنىڭ ءومىر سۇرۋىنە» قاۋىپ تونگەن جاعدايدا، «ەگەمەندىگى مەن تاۋەلسىزدىگىنە نۇقسان كەلگەن جاعدايدا» يادرولىق قارۋدى قولدانۋعا دايىن.
ء"بىزدىڭ تريادا، ياعني يادرولىق تريادا كەز كەلگەن باسقا ترياداعا قاراعاندا زاماناۋي. مۇنداي تريادا تەك بىزدە جانە امەريكاندىقتاردا بار.
ولار وزدەرىنىڭ بارلىق قۇرامداستارىن دامىتىپ جاتىر. ءبىز دە. بىراق بۇل، ولار ەرتەڭ يادرولىق سوعىستى باستاۋعا دايىن دەگەندى بىلدىرمەيدى. ولار قالايدى، بىراق نە ىستەي الادى؟ ءبىز دايىنبىز", - دەدى پۋتين.
ءپۋتيننىڭ ايتۋىنشا، امەريكا قۇراما شتاتتارى ۋكرايناعا اسكەر جىبەرسە، بۇل قاقتىعىستىڭ ءورشۋى رەتىندە قاراستىرىلادى.
«بايدەن - ءداستۇرلى ساياسات مەكتەبىنىڭ وكىلى»، - دەدى ول.
