پاۆلودار وبلىسى اكىمىنىڭ ءبىرىنشى ورىنباسارى سەرىك باتىرعوجينوۆ "قىز زورلادى" دەگەن اقپارات تارادى، دەپ حابارلايدى "ادىرنا" ءتىلشىسى.
جەلىدە تاراعان اقپارات بويىنشا ايگۇل ەسىمدى قىز باسپانا الۋ ءۇشىن كەزەككە تۇرعان. ورىنباسار ونى زورلاپ، جالعان ۋادە بەرگەنى تۋرالى اقپارات تاراعان.
وبلىس اكىمدىگى قىزمەتكەرىنە تاعىلعان ايىپقا قاتىستى پىكىر ءبىلدىردى.
"اكىمنىڭ ءبىرىنشى ورىنباسارى سەرىك باتىرعوجينوۆ دەنساۋلىعىنا بايلانىستى بيىل 8 قاڭتاردان باستاپ ەڭبەك دەمالىسىندا. بىزگە جەتكەن مالىمەت بويىنشا، پاۆلودار وبلىسىنىڭ پوليتسيا دەپارتامەنتى سەرىك باتىرعوجينوۆتىڭ ارىزى بويىنشا بوپسالاۋ دەرەگى بويىنشا قىلمىستىق ءىس قوزعاعان. زارداپ شەككەن تاراپ - سەرىك باتىرعوجينوۆ", - دەلىنگەن اكىمدىك حابارلاماسىندا.
بۇگىندە ءىس سوتقا جىبەرىلدى.
"تەرگەۋ امالدارى جۇرگىزىلدى، ايىپتالۋشى تاراپتىڭ قورعاۋىندا كورسەتكەن دەرەكتەر تەكسەرىلدى، دەرەكتەر راستالعان جوق. بۇگىندە ءىس سوتقا جىبەرىلدى. بۇل ءىس بويىنشا ەگجەي-تەگجەيلى اقپاراتتى پروتسەسكە قاتىسۋشىلاردان الۋعا بولادى، ويتكەنى بۇل ماسەلە جەرگىلىكتى اتقارۋشى ورگانداردىڭ قۇزىرەتىنە جاتپايدى", - دەلىنگەن جاۋاپتا.
وسىعان دەيىن دە پاۆلودار وبلىسى اكىمىنىڭ ورىنباسارى سەرىك باتىرعۇجينوۆ جول اپاتىنان زارداپ شەككەنىن حابارلاعان ەدىك.
