Pavlodar oblysy äkımınıŋ bırınşı orynbasary Serık Batyrǧojinov "qyz zorlady" degen aqparat tarady, dep habarlaidy "Adyrna" tılşısı.
Jelıde taraǧan aqparat boiynşa Aigül esımdı qyz baspana alu üşın kezekke tūrǧan. Orynbasar ony zorlap, jalǧan uäde bergenı turaly aqparat taraǧan.
Oblys äkımdıgı qyzmetkerıne taǧylǧan aiypqa qatysty pıkır bıldırdı.
"Äkımnıŋ bırınşı orynbasary Serık Batyrǧojinov densaulyǧyna bailanysty biyl 8 qaŋtardan bastap eŋbek demalysynda. Bızge jetken mälımet boiynşa, Pavlodar oblysynyŋ polisiia departamentı Serık Batyrǧojinovtyŋ aryzy boiynşa bopsalau deregı boiynşa qylmystyq ıs qozǧaǧan. Zardap şekken tarap - Serık Batyrǧojinov", - delıngen äkımdık habarlamasynda.Bügınde ıs sotqa jıberıldı.
"Tergeu amaldary jürgızıldı, aiyptaluşy taraptyŋ qorǧauynda körsetken derekter tekserıldı, derekter rastalǧan joq. Bügınde ıs sotqa jıberıldı. Būl ıs boiynşa egjei-tegjeilı aqparatty proseske qatysuşylardan aluǧa bolady, öitkenı būl mäsele jergılıktı atqaruşy organdardyŋ qūzyretıne jatpaidy", - delıngen jauapta.Osyǧan deiın de Pavlodar oblysy äkımınıŋ orynbasary Serık Batyrǧūjinov jol apatynan zardap şekkenın habarlaǧan edık.
Ūqsas jaŋalyqtar
