سىبايلاس جەمقورلىققا قارسى قىزمەت بۇرىنعى مادەنيەت جانە سپورت ۆيتسە-ءمينيسترى ەرلان قوجاعاپانوۆقا قاتىستى ءىستىڭ ءمان-جايىن ايتتى، دەپ حابارلايدى "ادىرنا" ۇلتتىق پورتالى.
ول اسا اۋىر سىبايلاس جەمقورلىق قىلمىسىن جاسادى دەگەن كۇدىككە ىلىنگەن.
6 ناۋرىزدا وتكەن بريفينگتە «انتيكور» رەسمي وكىلى ارمان تىلەۋكەنوۆ ەكس-شەنەۋنىكتىڭ وڭىرارالىق فورۋم كورمەسىنە شامادان تىس قاراجات جۇمساۋ ارقىلى كۇدىككە ىلىكەنىن ايتتى:
"كوممەرتسيالىق ۇيىمنىڭ مۇددەسىن كوزدەيتىن ول 2018 جىلى پەتروپاۆلدا قازاقستان مەن رەسەي ىنتىماقتاستىعىنىڭ XV وڭىرارالىق فورۋمىنىڭ كورمەسىن ۇيىمداستىرۋ تۋرالى كەلىسىم جاساسۋعا قولداۋ كورسەتتى" دەپ حابارلادى.
فورۋمدى وتكىزۋگە ارنالعان باعا ەكى ەسەگە ارتىپ، بيۋدجەتتىڭ قاجەتسىز شىعىندارىنا اكەپ سوققان. جەدەل ۋاكىلدەر قوجاعاپانوۆتىڭ «تۇسكەن» اقشاعا ساتىپ العان مۇلكىن انىقتاپ، ونى قاماۋعا الدى.
تەرگەۋ جالعاسىپ جاتىر. ەكس-شەنەۋنىك الداعى ەكى ايدا قاماۋدا بولادى.
