"توتەنشە جاعدايدان زارداپ شەككەن ارىس تۇرعىندارىنىڭ اتىنان سويلەگەن ءبىر توپ ەر مەن ايەل ادامدار، بۇگىن رۇقساتسىز شەرۋ مەن ميتينگ ۇيىمداستىردى. ولار وزدەرىنىڭ بۇل قىلىقتارىمەن جول قوزعالىسىنا كەدەرگى كەلتىرىپ، جولاۋشىلاردى ۇركىتىپ جانە قالا تۇرعىندارىنىڭ الاڭداۋشىلىعىن تۋدىردى ...
شەرۋگە شىققانداردىڭ تاراپىنان اگرەسسيۆتى مىنەز-قۇلىقتار تىركەلدى", - دەپ جازدى دانات جۇمين. ونىڭ ايتۋىنشا، قالاعا كەلگەن ازاماتتاردىڭ ءبىر بولىگى شىمكەنتتەن جەر جانە تۇرعىن ۇيمەن قامتاماسىز ەتىپ بەرۋدى تالاپ ەتكەن. "قاۋىپسىزدىك كۇشتەرى ميتينگكە شىققاندارعا قارسى جاپپاي كۇش قولدانۋدان باس تارتتى. الايدا، قۇقىق قورعاۋ ورگاندارى بۇل جاعدايدى مۇقيات قاداعالاپ وتىر جانە ءوز تاراپىنان ەلەۋلى زاڭسىز ارەكەتتەرگە جول بەرمەيدى", - دەدى اكىم ورىنباسارى. ونىڭ ايتۋىنشا، قالا اكىمى عابيدوللا ءابدىراحىموۆ ەكى رەت نارازىلىق بىلدىرۋشىلەرمەن كەزدەسىپ، قويىلعان تالاپتار مەن سۇراقتارعا جاۋاپ بەرگەن. "قازىرگى ۋاقىتتا ميتينگە شىققانداردىڭ شامامەن 90 پايىزى تاراپ كەتتى. الاڭدا تەك ءبىر توپ ادام قالعان. شىمكەنت قالاسىنىڭ تۇرعىندارى مەن قوناقتارىنان الاڭداماۋىن سۇرايمىن. ءبىز قالانىڭ جانە تۇرعىنداردىڭ قاۋىپسىزدىگىن قامتاماسىز ەتۋىمىز ءۇشىن رەسۋستارىمىز جەتكىلىكتى. سونداي-اق، قوعامدىق ءتارتىپتى بۇزۋشىلار تاراپىنان قانداي دا ءبىر زاڭسىز ارەكەتتەردى توقتاتۋ كەرەك", - دەدى جۇمين.
دەرەككوز: https://kaz.tengrinews.kz/kazakhstan_news
"ادىرنا" ۇلتتىق پورتالى
