"Tótenshe jaǵdaıdan zardap shekken Arys turǵyndarynyń atynan sóılegen bir top er men áıel adamdar, búgin ruqsatsyz sherý men mıtıng uıymdastyrdy. Olar ózderiniń bul qylyqtarymen jol qozǵalysyna kedergi keltirip, jolaýshylardy úrkitip jáne qala turǵyndarynyń alańdaýshylyǵyn týdyrdy ...
Sherýge shyqqandardyń tarapynan agressıvti minez-qulyqtar tirkeldi", - dep jazdy Danat Jumın. Onyń aıtýynsha, qalaǵa kelgen azamattardyń bir bóligi Shymkentten jer jáne turǵyn úımen qamtamasyz etip berýdi talap etken. "Qaýipsizdik kúshteri mıtıngke shyqqandarǵa qarsy jappaı kúsh qoldanýdan bas tartty. Alaıda, quqyq qorǵaý organdary bul jaǵdaıdy muqııat qadaǵalap otyr jáne óz tarapynan eleýli zańsyz áreketterge jol bermeıdi", - dedi ákim orynbasary. Onyń aıtýynsha, qala ákimi Ǵabıdolla Ábdirahymov eki ret narazylyq bildirýshilermen kezdesip, qoıylǵan talaptar men suraqtarǵa jaýap bergen. "Qazirgi ýaqytta mıtınge shyqqandardyń shamamen 90 paıyzy tarap ketti. Alańda tek bir top adam qalǵan. Shymkent qalasynyń turǵyndary men qonaqtarynan alańdamaýyn suraımyn. Biz qalanyń jáne turǵyndardyń qaýipsizdigin qamtamasyz etýimiz úshin resýstarymyz jetkilikti. Sondaı-aq, qoǵamdyq tártipti buzýshylar tarapynan qandaı da bir zańsyz áreketterdi toqtatý kerek", - dedi Jumın.
Derekkóz: https://kaz.tengrinews.kz/kazakhstan_news
"Adyrna" ulttyq portaly
