ءماجىلىس دەپۋتاتى ەرلان سايروۆ RAMS كومپانياسىنىڭ بەنەفيتسيارلارىن “ەسكى قازاقستاننىڭ” وكىلدەرى دەپ اتاپ، قازاق ۇلتتىق اگرارلىق زەرتتەۋ ۋنيۆەرسيتەتى اۋماعىندا ستۋدەنتتەرگە جەردى قايتارماي وتىر دەپ ايىپتادى، دەپ حابارلايدى “ادىرنا” ۇلتتىق پورتالى.
«ءبىز قازىر ۇلتتىق اگرارلىق ۋنيۆەرسيتەتتىڭ قالاشىعىندامىز. ەسكى قازاقستاننىڭ وكىلدەرى مىقتى پوزيتسيادا تۇرىپ، مۇندا بەس-بەس قاباتتى بەس ءۇي سالۋدى كوزدەگەن»، - دەدى سايروۆ الەۋمەتتىك جەلىدەگى پاراقشاسىندا.
ول جوسپارلانعان قۇرىلىس ورنىنداعى شۇڭقىردى كورسەتتى.
«بۇكىل جەر كوللەدج قالاشىعى. ستۋدەنتتەرگە سونشالىقتى دورەكى بولماۋ كەرەك دەپ ويلايمىن. جاستار – بولاشاعىمىز دەسەك، جاستاردىڭ قاجەتتى ءبىلىم الىپ، عىلىممەن اينالىسۋىنا جاعداي جاساۋىمىز كەرەك. سوندىقتان مۇنداي ارسىزدىقتى توقتاتۋىمىز قاجەت. الماتىداعى RAMS كومپانياسى ءوز جەرلەرىن بالالارعا قايتارعىسى كەلمەيدى. مەنىڭ ويىمشا، بۇل ماسەلەمەن باس پروكۋراتۋرا اينالىسىپ، جەردى ستۋدەنتتەرگە، ءبىزدىڭ بالالارىمىزعا قايتارۋ كەرەك. ءبىز بۇل ماسەلەنى باس پروكۋراتۋرامەن بىرلەسىپ شەشەتىن بولامىز»، - دەدى سايروۆ.
