قازاقستاننان ومبىعا بارا جاتقان جولدا المات پولتاباەۆ ەسىمدى جاس جىگىت ىزدەستىرىلىپ جاتىر، دەپ حابارلايدى “ادىرنا” ۇلتتىق پورتالى وmskregion سايتىنا سىلتەمە جاساپ.
المات پولتاباەۆ 22 اقپاندا استانادان ومبىعا قاراي باراتىن پويىزعا مىنگەن. وسىدان كەيىن ونى ەشكىم كورمەگەن، جاقىندارىمەن دە بايلانىسى جوق.
ومبى پوليتسياسى 2004 جىلى تۋعان قازاقستان رەسپۋبليكاسىنىڭ ازاماتىنىڭ مەكەن-جايىن انىقتاۋدا. جوعالعان ازاماتتىڭ اتا-اناسى ىزدەستىرۋ اكتىسىن تولتىردى. ولار 22 اقپاندا ۇلىنىڭ پويىزبەن استانادان ومبىعا كەتكەنىن، سودان كەيىن بايلانىسپاعاندارىن ايتادى.
قازىرگى ۋاقىتتا پوليتسەيلەر 19 جاستاعى پولتاباەۆتىڭ بولۋى مۇمكىن جەرلەردى انىقتاۋ ءۇشىن جەدەل ىزدەستىرۋ شارالارىن جۇرگىزىپ جاتىر.
“ادىرنا” ۇلتتىق پورتالى
