شاكارىم اتامىزدان دانالىق

286

🔳 اۋرۋ تەك دەنەدە عانا بولمايدى، مىنەزدە دە بار. ەگەر بىرەۋدەن جامان مىنەز كورسەڭ، وعان شيپا سۇراپ دۇعا قىل. وعان جابىسقان كەسەلدەن سەنى ساۋ قىلعان اللاعا ماقتاۋ ايت. *[شۇكىرلىك]*

🔳 سىردى ساقتاۋ شەبەرلىگى جان دۇنيەنىڭ بايلىعىن كورسەتەدى. ىشىندە سۋ تۇرمايتىن ىدىستىڭ زيانى سەكىلدى، سىردى ساقتاي المايتىن ادامنىڭ پايداسى كەم. *[اماناتشىلدىق]*

🔳ەگەر əر ادام قاسىنداعى كىسىنىڭ جۇرەگىندەگىن كورە السا، وعان جانى قاتتى اشيتىن ەدى. ىشكى تارازىنىڭ əدىلدىگىنە كوزى جەتەر ەدى. سىرتقى ولشەمدەردىڭ الدامشى ەكەنىن تەرەڭ تۇسىنەر ەدى. ىشتارلىق، قىزعانىش، كورسەقىزارلىققا ۇرىنباس ەدى *[تەرەڭ تۇسىنىك]*

🔳 قۇدىققا تاس تاستاعان ادام ول تۇبىنە جەتىپ داۋسى ەستىلگەنشە قاراپ تۇرادى. سول سەكىلدى سەنى سوككەن ادامنىڭ كوبىسى جاۋابىڭدى كۇتەدى. ۇستامدىلىقپەن كوركەم مىنەز تانىت. وتكىزىپ جىبەر. قۇدىق ءتۇپسىز ەكەن دەپ ويلاسىن. *[تەرەڭ تۇسىنىك]*

🔳 بəرىن دۇرىس جاساۋعا قانشا تىرىسساڭ دا سەنى قاتە تۇسىنەتىن ادامداردىڭ تابىلارى حاق. Əركىمگە ءبىر جاۋاپ قايتارىپ ءوزىڭدى قۇر شارشاتپاعانىڭ دۇرىس. دانا عۇلامالارىمىزدىڭ ءبىرى ءوزىن سوككەن كىسىگە بىلاي دەگەن ەكەن: “ەگەر ايتقانىڭ راس بولسا، اللا مەنى كەشىرسىن. ال، وتىرىكشى بولساڭ، اللا سەنى كەشىرسىن”. *[بايسالدىلىق]*

🔳 “ماعان كەيدە ءبىر ادام ءبىر مəسەلە جايلى ايتادى. مەن ونى ول تۋماستان بۇرىن ەستىپ قويسام دا وعان قۇلاق سالامىن. كەيدە، ءبىرىنشى رەت ەستىپ تۇرعانداي كۇي كورسەتەمىن”. ءوزىڭ ونسىز دا جاقسى بىلەتىن نəرسە جايلى بىرەۋ əڭگىمەلەپ جاتسا، ونىڭ ءسوزىن بولمەي، بىلەتىنىڭدى ءبىلدىرىپ جۇرەگىن جارالاماي، كوڭىل ءبولىپ، قۇلاق سالۋىڭ مىنەز-قۇلىقتىڭ اسا كوركەمدىگىنە جاتادى. *[كوركەمدىك]*

🔳 ادامدار ساعان تاڭقالىپ جاتسا، وعان ماساتتانىپ ماقتانبا. سەبەبى، ولار سەنىڭ اللا جارىققا شىعارعان جاقسى جاقتارىڭدى عانا كورىپ جاتىر. ال، ولار سەنىڭ اللا جاسىرعان جامان جاقتارىڭنان حابارسىز بولعانىنا شۇكىر دە. *[اللا كەمشىلىكتەردى جاسىرۋشى]*

🔳 ەگەر ءسوز شىنىمەن جۇرەكتەن شىققان بولسا، وندا ول مىندەتتى تۇردە جۇرەككە كىرەدى. ال، ول تەك تىلدەن شىققان بولسا، قۇلاقتان ارى اسپايدى. *[شىنشىلدىق]*

🔳 دۇرىس نəرسەنى تەز تانىپ، جۇرەكپەن ءتۇسىنىپ، شىنايى جاناشىرلىقپەن ايتپاساڭ، ءىسىڭ بەكەر. *[مەيىرباندىق]*

🔳 ادامدار سەنىڭ سىرتىڭا قارايدى، جاراتۋشىڭ ىشىڭمەن، جان دۇنيەڭمەن باعالايدى. پەندەلەر ءۇشىن سىرتىڭدى عانا əدەمىلەۋمەن əۋرە بوپ، ىشكى əلەمىڭدى ۇمىت قالدىرىپ، لاستاپ الما. *[تاقۋالىق]*

🔳 كەزىندە “كەرەڭ حاتيم” دەگەن عۇلاما ءومىر سۇرگەن ەكەن. ءبىر كۇنى وعان ءبىر كىسى كەلىپ، ءبىر مəسەلە جايلى جاۋاپ سۇرايدى. سول-اق ەكەن əلگى كىسى بايقاۋسىزدا جەل شىعارىپ قويادى. سول كەزدە حاتيم ەستىمەگەنسىپ: داۋسىڭدى جوعارى كوتەرىپ سويلەشى، دەيدى. كەلگەن كىسىگە ءوزىن كەرەڭ سەكىلدى سەزدىرتەدى. وسىلايشا، باسقالاردىڭ قاتەلىگىنەن قۇلاعىن تىيعان ول – “حاتيم كەرەڭ” دەگەن اتپەن تاريحتا قالعان ەكەن. *[كوركەم مىنەز]*

🔳 كوزدەر ۇمىتپاسىن دەسەڭ، əدەمى كيىن.
كوڭىلدەر ۇمىتپاسىن دەسەڭ، كوركەم مىنەزدى بول. *[ىشكى سۇلۋلىق]*

🔳 ادامداردىڭ ءبىرازى ءومىرىڭدى سەنەن بىرنəرسە ۇيرەنۋ ءۇشىن باقىلايتىن بولسا، باسقا ءبىر بولىگى قاتەلىكتەرىڭدى تەرۋ ءۇشىن اڭديدى. ەكى توپ تا ساعان تاڭ. ءبىرى ماحابباتپەن، ەكىنشىسى ىشتارلىقپەن. *[زەرەك بول]*

*بىرەۋدىڭ ءمىنىن كورگەنشە،*
*جاماندىعىن تەرگەنشە،*
ء*وز ويىڭدى مازالاپ،*
ء*وز بويىڭدى تازالاپ،*
*وزىڭمەن الىس ولگەنشە!*

 

"ادىرنا" ۇلتتىق پورتالى

پىكىرلەر