17 اقپان – حالىقارالىق مەيىرىمدىلىك كورسەتۋ كۇنى اياسىندا اSYL NIET قوعامدىق بىرلەستىگى اتاۋلى كۇنگە وراي قايىرىمدىلىق اۋكتسيونىن وتكىزدى. قۇرىلعانىنا از عانا ۋاقىت بولسا دا، قوعامدىق بىرلەستىكتىڭ بۇل ەكىنشى مارتە وتكىزىپ وتىرعان قايىرىمدىلىق اۋكتسيونى.
اۋكتسيونعا تانىمال سۋرەتشىلەردىڭ كارتينالارى، سونداي-اق بەلگىلى ەكسپەرت مامانداردىڭ ارنايى كۋرستارىنا ارنالعان سەرتيفيكاتتار، برەندتىك ەرەكشە بۇيىمدار ۇسىنىلدى. اۋكتسيونعا قويىلعان زاتتاردىڭ ەڭ تومەنى 200 مىڭعا وتسە، ەڭ قىمباتى 800 مىڭعا باعالانىپ، سول جەردە ساتىلىپ كەتتى.
بۇل شارادا تەك قانا اۋكتسيون ەمەس، جارمەڭكە بازارى دا ۇيىمداستىرىلىپ، قايىرىمدىلىققا وتاندىق ديزاينەرلەردىڭ اشەكەي بۇيىمدارى، كادەسىيلار مەن ءتۇرلى كىتاپتار ساتىلىمعا قويىلدى.
شارادا قايىرىمدىلققا ۇلەس قوسۋشى قاۋىمنان 5 ملن-عا جۋىق قاراجات جينالدى.
جينالعان قاراجات 3-توپ مۇگەدەگى، 3 بالانىڭ اناسى، سامالدىڭ تۇرمىستىق جاعدايىن جاقسارتۋعا جۇمسالماق. سامال بىرنەشە جىلدان بەرى ونكولوگيالىق اۋرۋمەن كۇرەسىپ كەلە جاتقان جان. ول قازىر استانا قالاسىندا 30 000 تەڭگە تۇراتىن بولمەنى جالعا الىپ، وتباسىمەن سول سۋىق ءۇيدى پانالاپ وتىر. دەنساۋلىعىنا بايلانىستى تولىق قاندى جۇمىسقا دا جارامسىز. كومەككە مۇقتاج جان.
بۇگىنگى شارادان جينالعان قاراجاتقا ءۇي الۋ جوسپارلانۋدا.
اۋكتسيون مەن بازاردان جينالعان بارلىق قاراجات جانە دە باسقا دا دەمەۋشىلەردىڭ كومەگىمەن كاريموۆا سامالعا كومەك بەرىلەدى. ءۇي تابۋ، الۋ بارلىق پروتسەسس ءبىزدىڭ قوعامدىق بىرلەستىك تاراپىنان باقىلانادى، – دەدى اSYL NIET قوعامدىق بىرلەستىگىنىڭ مۇشەسى جانار سۇلەيمەنوۆا.
بىلتىر 17 اقپاندا وتكەن ءدال وسىنداي شارادا ونكولوگيالىق اۋرۋمەن كۇرەسىپ وتىرعان، كوپبالالى ايەلدىڭ وتباسىنا، جاتاقحانادان 1 بولمە جەكە مەنشىگىنە الىنعان بولاتىن.
اسىلنيەتتەستەردىڭ باستى ماقساتى – وسىنداي اۋىر جاعدايعا تاپ بولعان جاننىڭ ءبىر اۋىرتپالىعىن بولسا دا جەڭىلدەتىپ، ولارعا ءۇمىت وتىن سىيلاۋ. اتالعان قوعامدىق بىرلەستىك وسىنداي قايىرىمدىلىق ىستەردى ءوزىنىڭ داستۇرىنە اينالدىرىپ، قىز-كەلىنشەتەرگە قول ۇشىن سوزىپ، قوعامنىڭ تۇرمىسىن تۇزەۋگە ءوز ۇلەستەرىن قوسا بەرمەك.
