17 aqpan – Halyqaralyq meıirimdilik kórsetý kúni aıasynda ASYL NIET qoǵamdyq birlestigi ataýly kúnge oraı qaıyrymdylyq aýkıonyn ótkizdi. Qurylǵanyna az ǵana ýaqyt bolsa da, qoǵamdyq birlestiktiń bul ekinshi márte ótkizip otyrǵan qaıyrymdylyq aýkıony.
Aýkıonǵa tanymal sýretshilerdiń kartınalary, sondaı-aq belgili ekspert mamandardyń arnaıy kýrstaryna arnalǵan sertıfıkattar, brendtik erekshe buıymdar usynyldy. Aýkıonǵa qoıylǵan zattardyń eń tómeni 200 myńǵa ótse, eń qymbaty 800 myńǵa baǵalanyp, sol jerde satylyp ketti.
Bul sharada tek qana aýkıon emes, jármeńke bazary da uıymdastyrylyp, qaıyrymdylyqqa otandyq dızaınerlerdiń áshekeı buıymdary, kádesyılar men túrli kitaptar satylymǵa qoıyldy.
Sharada qaıyrymdylqqa úles qosýshy qaýymnan 5 mln-ǵa jýyq qarajat jınaldy.
Jınalǵan qarajat 3-top múgedegi, 3 balanyń anasy, Samaldyń turmystyq jaǵdaıyn jaqsartýǵa jumsalmaq. Samal birneshe jyldan beri onkologııalyq aýrýmen kúresip kele jatqan jan. Ol qazir Astana qalasynda 30 000 teńge turatyn bólmeni jalǵa alyp, otbasymen sol sýyq úıdi panalap otyr. Densaýlyǵyna baılanysty tolyq qandy jumysqa da jaramsyz. Kómekke muqtaj jan.
Búgingi sharadan jınalǵan qarajatqa úı alý josparlanýda.
Aýkıon men bazardan jınalǵan barlyq qarajat jáne de basqa da demeýshilerdiń kómegimen Karımova Samalǵa kómek beriledi. Úı tabý, alý barlyq proess bizdiń qoǵamdyq birlestik tarapynan baqylanady, – dedi ASYL NIET qoǵamdyq birlestiginiń múshesi Janar Súleımenova.
Byltyr 17 aqpanda ótken dál osyndaı sharada onkologııalyq aýrýmen kúresip otyrǵan, kópbalaly áıeldiń otbasyna, jataqhanadan 1 bólme jeke menshigine alynǵan bolatyn.
Asylnıettesterdiń basty maqsaty – osyndaı aýyr jaǵdaıǵa tap bolǵan jannyń bir aýyrtpalyǵyn bolsa da jeńildetip, olarǵa úmit otyn syılaý. Atalǵan qoǵamdyq birlestik osyndaı qaıyrymdylyq isterdi óziniń dástúrine aınaldyryp, qyz-kelinsheterge qol ushyn sozyp, qoǵamnyń turmysyn túzeýge óz úlesterin qosa bermek.