تانىمال وتاندىق كاسىپكەر، BI Group قۇرىلىس كومپانياسىنىڭ باسشىسى ايدىن راحىمباەۆ ارىستاعى جارىلىستان زارداپ شەككەن تۇرعىنداردىڭ ۇيلەرىن جوندەپ بەرۋگە دايىن ەكەنىن حابارلادى.
«ءبىزدىڭ كومپانيانىڭ قىزمەتكەرلەرى دە سول جەردە، ارىس تۇرعىندارىنا كومەكتەسىپ جاتىر. اسكەريلەردىڭ قالاعا كىرۋگە رۇقسات بەرگەنىن كۇتىپ وتىرمىز. سول كەزدە ۇيلەردى جوندەۋگە كىرىسەمىز. ءبىزدىڭ كوماندا تۇركىستان جانە شىمكەنتتەن قۇرلىسقا قاجەتتى ماتەريالدارمەن شىعۋعا دايىن. 100 ملن تەڭگە بولدىك. بۇل قارجى كەمى 100 ءۇيدى جوندەۋگە جەتىپ قالار دەپ ويلايمىن. ەگەر قاجەت بولىپ جاتسا، ۇستىنەن تاعى قوسامىز. جەرلەستەر وزدەرىڭىزگە بەكەم بولىڭىزدار، ءبارى جاقسى بولادى. ءبىز سىزدەرمەن بىرگەمىز»، - دەپ جازدى كاسىپكەر الەۋمەتتىك جەلىدەگى پاراقشاسىندا.
ايتا كەتەيىك، 24 ماۋسىم كۇنى تاڭەرتەڭ شىمكەنت قالاسىنان 97 كم جەردەگى ارىس قالاسىنداعى اسكەري ءبولىمنىڭ قويماسىندا ءورت شىقتى. ءورتتىڭ سوڭى جارىلىسقا ۇلاستى. تۇركىستان وبلىسىنىڭ اكىمى توتەنشە جاعداي جاريالاپ، قالادان 45 مىڭ ادام ەۆاكۋاتسيالاندى.
دەرەككوز: https://baq.kz/news
"ادىرنا" ۇلتتىق پورتالى
