Tanymal otandyq kásipker, BI Group qurylys kompanııasynyń basshysy Aıdyn Rahymbaev Arystaǵy jarylystan zardap shekken turǵyndardyń úılerin jóndep berýge daıyn ekenin habarlady.
«Bizdiń kompanııanyń qyzmetkerleri de sol jerde, Arys turǵyndaryna kómektesip jatyr. Áskerılerdiń qalaǵa kirýge ruqsat bergenin kútip otyrmyz. Sol kezde úılerdi jóndeýge kirisemiz. Bizdiń komanda Túrkistan jáne Shymkentten qurlysqa qajetti materıaldarmen shyǵýǵa daıyn. 100 mln teńge bóldik. Bul qarjy kemi 100 úıdi jóndeýge jetip qalar dep oılaımyn. Eger qajet bolyp jatsa, ústinen taǵy qosamyz. Jerlester ózderińizge bekem bolyńyzdar, bári jaqsy bolady. Biz sizdermen birgemiz», - dep jazdy kásipker áleýmettik jelidegi paraqshasynda.
Aıta keteıik, 24 maýsym kúni tańerteń Shymkent qalasynan 97 km jerdegi Arys qalasyndaǵy áskerı bólimniń qoımasynda órt shyqty. Órttiń sońy jarylysqa ulasty. Túrkistan oblysynyń ákimi tótenshe jaǵdaı jarııalap, qaladan 45 myń adam evakýaııalandy.
Derekkóz: https://baq.kz/news
"Adyrna" ulttyq portaly
