Qazaqstan qūramasy Aziia chempionatynyŋ qola jüldegerı atandy

Qazaqstan qūramasy velotrekten Ündıstanda eresekter arasyndaǧy 43-şı, jasöspırımder arasyndaǧy 30-şy, parasportşylar arasyndaǧy XII ret ötıp jatqan Aziia chempionatynyŋ qola jüldegerı atandy. Būl turaly Turizm jäne sport ministrlıgınıŋ Sportty damytu direksiiasy mälımdedı, dep habarlaidy “Adyrna” ūlttyq portaly. Chempionattyŋ alǧaşqy künı ız kesu saiysynda Qazaqstan erler qūramasy (Älışer Jūmaqan, Dmitrii Noskov, Ramis Dınmūhametov) komandalyq jarysta qola jüldenı ielendı. Olardyŋ uaqyt körsetkışı – 4:03.129 sekund. Altyn medaldı Japoniia qūramasy jeŋıp alsa, kümıs jülde Qytai elıne būiyrdy. Sondai-aq qūramynda Kirill Kurdidi, Dmitrii Rezanov, Sergei Ponomarev bar taǧy bır otandyq qūrama sprintten 5-oryn aldy. Aita keteiık, sary qūrlyq dodasyna biyl 23 eldıŋ üzdıkterı jinaldy. Elımızdıŋ namysyn 9 sportşy qorǧap jatyr. Aziia chempionaty 26 aqpanǧa deiın jalǧasady.