قازاق تەلەۆيزياسىنىڭ قارلىعاشى، تۇڭعىش ديكتور - زۇلقيا جۇماتوۆا 104 جاسقا تولدى، دەپ حابارلايدى "ادىرنا" پورتالى.
عاسىر كۋاگەرى، زۇلقيا مۇقانقىزى - 1920 جىلى 20 اقپاندا پاۆلودار وبلىسى، باياناۋىل اۋىلىندا دۇنيەگە كەلگەن. اناسى 1935 جىلى قىزى ون بەس جاستا بولعانىندا قايتىس بولدى. زۇلقيا اۋلەتتىڭ ۇلكەنى بولعاندىقتان، جەتى باۋىرىنىڭ تاعدىرى ومىرىنە ۇلكەن جاۋاپكەرشىلىك جۇكتەدى. وسىنداي جاپ-جاس شاعىنان ول اكەسىنە بالالارىن تاربيەلەۋگە كومەكتەسۋ ءۇشىن پاۆلودارعا كوشۋدى ۇيعارادى. 1941 جىلى اكەسى جالعىز سيىرىن ساتىپ، قىزىن قالاعا جىبەرەدى. زۇلقيا وتباسىن پاۆلودارعا كوشىرىپ العانىنا نەبارى ءۇش اي وتكەندە، اكەسى قايتىس بولدى، ال قىز بالالارىن جالعىز ءوزى تاربيەلەۋگە ءماجبۇر بولادى.
زۇلقيا جۇماتوۆا سوعىس جىلدارىندا زاۋىتتا جۇمىس ىستەگەن. ول كەشكە دەيىن جۇمىس ىستەپ، تىلعا كومەكتەستى. ول ۋاقىتتا ءوزى تۇرمىستا ەدى. كۇيەۋىمەن سەگىز جىل بىرگە تۇردى، الايدا سۇم اجال كۇيەۋىنىڭ دە ءومىرىن قيدى. كۇيەۋى مايداندا قازا تاپتى. ەكى بالامەن قالعان ول ەكىنشى رەت اۋىل شارۋاشىلىعى ينستيتۋتىنىڭ رەكتورى اۋباكىر جۇماتوۆقا تۇرمىسقا شىقتى. ونىڭ دا ەكى بالاسى بولدى. تاعدىر قوسقان جاندار تۇتاس ءبىر وتباسىعا اينالدى. وكىنىشكە قاراي، كۇيەۋى ەرتە قايتىس بولدى. ول نەبارى 49 جاستا ەدى.
زۇلقيا ديكتورلىق جولىن 1958 جىلى كاستينگكە كەلگەن كەزدە باستادى. سول جىلى راديو مەن گازەتتەردە قازاقستان تەلەۆيزياسىنىڭ اشىلعانى جايلى حابارلادى. بويجەتكەن ءوزىن بالالار باعدارلاماسىندا سىناۋدى ۇيعاردى.
كوميسسيا قۇرامىندا جيىرمادان استام ادام وتىردى، ونىڭ ىشىندە شاكەن ايمانوۆ تا بولدى. ول زۇلقياعا ءبىر ولەڭ وقىپ بەرۋىن ءوتىندى. بويجەتكەن كوميسسيا مۇشەلەرىن ءتانتى ەتىپ، 750 ۇمىتكەردىڭ اراسىنان تاڭدالدى.
1958 جىلى 8 ناۋرىزدا ديكتورلار زۇلقيا جۇماتوۆا مەن نەللي وماروۆانىڭ قاتىسۋىمەن العاشقى تەلەحابار شىقتى.
ءوزىنىڭ ۇزاق جاساۋىنىڭ سىرى تۋرالى "بۇل - قۇدايدىڭ ماعان بەرگەن سىيى" دەپ اتاعان بولاتىن. قازىر زۇلقيا مۇقانقىزى قىزىمەن بىرگە الماتى قالاسىندا تۇرادى.
