جەلىدە تانىمال ءانشى نۇرلان ەسپانوۆتىڭ ۇلى ولجاس ەسپانوۆ بەلگىسىز قىزدارعا ءينتيمدى حاتتار جازدى دەگەن مالىمەت تارادى، دەپ حابارلايدى "ادىرنا" ۇلتتىق پورتالى.
ونىڭ بەيادەپ اڭگىمەسى الەۋمەتتىك جەلىدە، دالىرەك ايتساق Tik Tok پلاتفورماسىندا تارالىپ كەتتى. تاراعان اقپاراتقا سۇيەنسەك، ول بەلگىسىز ءبىر قىزعا جىنىستىق قارىم-قاتىناسقا ۇگىتتەگەن سوزدەر جازعان. وسىدان كەيىن ولجاس ەسپانوۆتىڭ پاراقشاسى بۇعاتتالعان. جەلىگە جازبالاردى جۇكتەگەن قىز دا ۆيدەونى قايتا ءوشىرىپ تاستاعان.
جەلى قولدانۋشىلارىنىڭ پىكىرى ەكىگە جارىلدى. ءبىرى «قاتەلەسپەيتىن ادام جوق، پەرىشتە ەمەس قوي»، «ءالى جاس، اقىل توقتاتسىن» دەپ قولداۋ ءبىلدىرىپ جاتسا، كەيبىرى «اتىڭ شىقپاسا، جەر ورتە»، «قارىنداستارىڭا وسىلاي جازسا قالاي قارايسىڭ؟» دەپ سوگىپ جاتىر.
داۋعا قالعان جىگىتتىڭ اكەسى، ءانشى نۇرلان ەسپانوۆقا حابارلاسىپ ءمان-جايدى بىلەيىن دەسەك، تەلەفونى بىرنەشە كۇننەن بەرى ءسوندىرۋلى. الەۋمەتتىك جەلىدە دە ەشقانداي مالىمدەمە ازىرگە جاساعان جوق.
ايتا كەتەيىك، ولجاس ەسپانوۆ تاياۋدا ءوزىنىڭ باسىنان وتكەرگەن وقيعاسىن ارقاۋ ەتىپ، «ول – جاس ماحاببات» كىتابىن جارىققا شىعارعان ەدى.
ودان بولەك، 2020 جىلى ولجاس ەسپانوۆ "نۇر وتان" پارتياسىنىڭ اتىنان دەپۋتات بولۋعا ۇمىتكەر رەتىندە پرايمەريزگە قاتىستى. سونداي-اق، ول 2018 جىلى IQ Kazakhstan ۇيىمىنىڭ ارنايى تەستىلەۋىنە قاتىسىپ، ەڭ اقىلدى دەپ تابىلعان 30 ادامنىڭ قاتارىنا ەندى.