Jelide tanymal ánshi Nurlan Espanovtyń uly Oljas Espanov belgisiz qyzdarǵa ıntımdi hattar jazdy degen málimet tarady, dep habarlaıdy "Adyrna" ulttyq portaly.
Onyń beıádep áńgimesi áleýmettik jelide, dálirek aıtsaq Tik Tok platformasynda taralyp ketti. Taraǵan aqparatqa súıensek, ol belgisiz bir qyzǵa jynystyq qarym-qatynasqa úgittegen sózder jazǵan. Osydan keıin Oljas Espanovtyń paraqshasy buǵattalǵan. Jelige jazbalardy júktegen qyz da vıdeony qaıta óshirip tastaǵan.
Jeli qoldanýshylarynyń pikiri ekige jaryldy. Biri «Qatelespeıtin adam joq, perishte emes qoı», «Áli jas, aqyl toqtatsyn» dep qoldaý bildirip jatsa, keıbiri «Atyń shyqpasa, jer órte», «Qaryndastaryńa osylaı jazsa qalaı qaraısyń?» dep sógip jatyr.
Daýǵa qalǵan jigittiń ákesi, ánshi Nurlan Espanovqa habarlasyp mán-jaıdy bileıin desek, telefony birneshe kúnnen beri sóndirýli. Áleýmettik jelide de eshqandaı málimdeme ázirge jasaǵan joq.
Aıta keteıik, Oljas Espanov taıaýda óziniń basynan ótkergen oqıǵasyn arqaý etip, «Ol – jas mahabbat» kitabyn jaryqqa shyǵarǵan edi.
Odan bólek, 2020 jyly Oljas Espanov "Nur Otan" partııasynyń atynan depýtat bolýǵa úmitker retinde praımerızge qatysty. Sondaı-aq, ol 2018 jyly IQ Kazakhstan uıymynyń arnaıy testileýine qatysyp, eń aqyldy dep tabylǵan 30 adamnyń qataryna endi.
