بۇگىن تاڭعى بەستە 90 جاسقا قاراعان شاعىندا تانىمال كۇيشى، بايان ولگەي، التاي، قوبدا بەتى كۇيشىلىك مەكتەبىنىڭ وكىلى رايحان مۇحامەتۇلى دۇنيە سالدى، دەپ حابارلايدى “ادىرنا” ۇلتتىق پورتالى.
بۇل تۋرالى فيلولوگ اسىلبەك بايتانۇلى ءوز Facebook پاراقشاسىندا جاريالادى.
“التاي-قوبدا كۇيشىلىك مەكتەبىنىڭ، ايگىلى "كوپ قالاقشا اۋىلى" اتانعان بەيىس زاڭگى باستاعان كۇيشىلەر اۋلەتىنىڭ بەلدى وكىلى، بايان-ولگي ايماقتىق مۋزىكالدى-دراما تەاترىنىڭ تۇڭعىش كاسىبي دومبىراشىلار توبىنىڭ مۇشەسى، مۋزىكانت، سازگەر، ۇستاز، كوپتەگەن اۆتورلىق، اۋلەتتىك، حالىقتىق كۇيلەردى قازاق راديوسىنىڭ التىن قورىنا جازدىرعان شىعارماشىل تۇلعا ەدى.
ابىز اقساقالدىڭ شىنات اعا باستاعان ۇرپاق-جۇراعاتىنا، نەمەرەسى، بەلگىلى جۋرناليست التىنبەك حۋمارزاح باۋىرىمىزعا، كۇللى تولەك اتا بالالارىنا قايعىلارىڭىزعا ورتاقتاسىپ كوڭىل ايتامىز. اتامىزدىڭ الدى جارىق، توپىراعى تورقا بولسىن”، - دەپ كوڭىل ايتتى ادەبيەتشى.
سونداي-اق ول كۇيشىنىڭ قوناقسى وتەتىن جەرى مەن ۋاقىتىن حابارلادى:
قوناقاسى 10.02.2024 جىل، ساعات 19:00, قاراعاندى قالاسى، 16 شاعىن اۋدانى، 41 “داستان” مەيرامحاناسى
جانازاسى: 11.02.2024 جىل، ساعات 09:00, قاراعاندى، سورتيروۆكا كەنتى، زەلەنىي لوگ كوشەسى 6,2/1
وساكاروۆ اۋدانى سارىوزەك (ۆولسك) اۋىلى زيراتىنا جەرلەنەدى.
“ادىرنا” ۇلتتىق پورتالى
