مەملەكەت باسشىسىنىڭ وكىمىمەن رومان الماحانۇلى تورەحانوۆ مەملەكەتتىك كۇزەت قىزمەتى باسشىسىنىڭ ورىنباسارى – پرەزيدەنتتىك كۇزەت قىزمەتىنىڭ باسشىسى بولىپ تاعايىندالدى، دەپ حابارلايدى «ادىرنا» ۇلتتىق پورتالى اقوردانىڭ ءباسپاسوز قىزمەتىنە سىلتەمە جاساپ.
رومان تورەحانوۆ – 94 كەلىگە دەيىنگى سالماق دارەجەسىندە، سونداي-اق ءابسوليۋتتى سالماق دارەجەسىندە كاسىپقويلار اراسىندا برازيليالىق دجيۋ-دجيتسۋدان ءابسوليۋتتى الەم چەمپيونى.
بۇعان دەيىن مەملەكەتتىك كۇزەت قىزمەتى باستىعىنىڭ ورىنباسارى – پرەزيدەنتتىڭ كۇزەت قىزمەتىنىڭ باستىعى لاۋازىمىن 6 اقپاندا توتەنشە جاعدايلار مينيسترلىگىنىڭ باسشىسى بولعان شىڭعىس ارينوۆ اتقارعان.
“ادىرنا” ۇلتتىق پورتالى
