عالىمجان قويشىباەۆ پرەمەر-ءمينيستردىڭ ورىنباسارى قىزمەتىندە قالدى، دەپ حابارلايدى “ادىرنا” ۇلتتىق پورتالى.
"عالىمجان تەلمانۇلى قويشىباەۆ قازاقستان رەسپۋبليكاسى پرەمەر-ءمينيسترىنىڭ ورىنباسارى – ۇكىمەت اپپاراتىنىڭ باسشىسى لاۋازىمىنا تاعايىندالسىن", - دەلىنگەن جارلىقتا.
عالىمجان تەلمانۇلى قويشىباەۆ 1968 جىلعى. قىزىلوردا قالاسىنىڭ تۋماسى.
1995-2004 جىلدارى قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگىنىڭ اتتاشەسى، ءۇشىنشى حاتشىسى، ءبىرىنشى حاتشىسى، كەڭەسشىسى، كەڭەسشى-ۋاكىلى بولىپ قىزمەت ەتكەن. 2004 جىلى قازاقستان رەسپۋبليكاسىنىڭ ۇجىمدىق قاۋىپسىزدىك تۋرالى شارت ۇيىمىنىڭ جانىنداعى وكىلەتتى وكىلى بولعان.
2004-2006 جىلدارى – قازاقستان رەسپۋبليكاسى پرەزيدەنتى اكىمشىلىگىنىڭ باس ينسپەكتورى.
2006-2008 جىلدارى – قازاقستان رەسپۋبليكاسى سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى.
2008-2012 جىلدارى – قازاقستان رەسپۋبليكاسىنىڭ ليتۆا رەسپۋبليكاسىنداعى توتەنشە جانە وكىلەتتى ەلشىسى، قازاقستان رەسپۋبليكاسىنىڭ لاتۆيا رەسپۋبليكاسىنداعى، ەستونيا رەسپۋبليكاسىنداعى جانە فينليانديا رەسپۋبليكاسىنداعى توتەنشە جانە وكىلەتتى ەلشىسى (قوسا اتقارۋشى).
2012-2016 جىلدارى – قازاقستان رەسپۋبليكاسىنىڭ فينليانديا رەسپۋبليكاسى مەن ەستونيا رەسپۋبليكاسىنداعى توتەنشە جانە وكىلەتتى ەلشىسى (قوسا اتقارۋشى).
2016-2019 جىلدارى – قازاقستان رەسپۋبليكاسى cىرتقى ىستەر ءمينيسترىنىڭ ورىنباسارى.
2019 جىلعى 26 ناۋرىزدا قر پرەمەر-ءمينيسترى كەڭسەسىنىڭ باسشىسى بولىپ تاعايىندالدى.
2022 جىلعى 11 قاڭتاردا قر پرەزيدەنتىنىڭ جارلىعىمەن قازاقستان رەسپۋبليكاسى پرەمەر-ءمينيسترى كەڭسەسىنىڭ باسشىسى بولىپ قايتا تاعايىندالدى.
2023 جىلعى 4 قاڭتاردا مەملەكەت باسشىسىنىڭ جارلىعىمەن قر پرەمەر-ءمينيسترىنىڭ ورىنباسارى – ۇكىمەت اپپاراتىنىڭ باسشىسى بولىپ تاعايىندالدى.
2023 جىلعى 3 ساۋىردە مەملەكەت باسشىسىنىڭ جارلىعىمەن قر پرەمەر-ءمينيسترىنىڭ ورىنباسارى – ۇكىمەت اپپاراتىنىڭ باسشىسى بولىپ قايتا تاعايىندالدى.
2024 جىلعى 6 اقپاندا قر پرەزيدەنتىنىڭ جارلىعىمەن قر پرەمەر-ءمينيسترىنىڭ ورىنباسارى – ۇكىمەت اپپاراتىنىڭ باسشىسى بولىپ تاعايىندالدى.
“ادىرنا” ۇلتتىق پورتالى