پرەزيدەنت قاسىم-جومارت توقاەۆقا پارلامەنت ءماجىلىسىنىڭ جانە «Amanat» پارتياسىنىڭ توراعاسى ەرلان قوشانوۆ پرەمەر-مينيستر قىزمەتىنە ولجاس بەكتەنوۆتىڭ كانديداتۋراسىن ۇسىندى، دەپ حابارلايدى “ادىرنا” ۇلتتىق پورتالى.
قولدانىستاعى زاڭناماعا سايكەس، مەملەكەت باسشىسى ۇسىنىلعان كانديداتۋرانى ماجىلىستەگى پارتيالاردىڭ فراكتسيالارىمەن جۋىق ارادا تالقىلايدى.
ولجاس بەكتەنوۆ 1980 جىلى 13 جەلتوقساندا الماتى قالاسىندا دۇنيەگە كەلگەن.
2001 جىلى قازاق مەملەكەتتىك زاڭ اكادەمياسىنان زاڭگەر ماماندىعىن بىتىرگەن.
2002-2005 جىلدارى ارالىعىندا الماتى قالاسى ادىلەت باسقارماسىندا باس مامان قىزمەتىن اتقارعان.
2006-2009 جىلدارى قر پرەزيدەنتى اكىمشىلىگىندە قىزمەت ەتكەن.
2009-2012 جج. – قر ادىلەت مينيسترلىگىنىڭ تىركەۋ جانە قۇقىقتىق العاشقى كومەك كورسەتۋ قىزمەتى كوميتەتى تورعاسىنىڭ ورىنباسارى.
2012-2014 جج. – قر ەكونوميكالىق قىلمىس جانە سىبايلاس جەمقورلىق قارسى كۇرەس اگەنتتىگى ورتالىق اپپاراتىندا دەپارتامەنت باسشىسى.
2015-2016 جج . – استانا قالاسى اكىمىنىڭ اپپارات باسشىسى، قر پرەزيدەنتى اكىمشىلىگى باسشىسى حاتشىلىعىنىڭ مەڭگەرۋشىسى.
2016-2017 جىلدارى – استانا قالاسى بويىنشا سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ (سىبايلاس جەمقورلىققا قارسى قىزمەت) باسشىسى.
2017 جىلعى شىلدەدەن باستاپ اقمولا وبلىسى اكىمىنىڭ ورىنباسارى.
2019 جىلعى 26 ماۋسىمنان باستاپ – قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ءبىرىنشى ورىنباسارى.
2022 جىلعى 25 اقپاندا قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ (سىبايلاس جەمقورلىققا قارسى قىزمەت) توراعاسى بولىپ تاعايىندالدى.
2023 جىلعى 3 ساۋىردە قازاقستان رەسپۋبليكاسى پرەزيدەنتى اكىمشىلىگىنىڭ باسشىسى بولىپ تاعايىندالدى.
“ادىرنا” ۇلتتىق پورتالى
