Prezıdent Qasym-Jomart Toqaevqa Parlament Májilisiniń jáne «Amanat» partııasynyń tóraǵasy Erlan Qoshanov Premer-mınıstr qyzmetine Oljas Bektenovtiń kandıdatýrasyn usyndy, dep habarlaıdy “Adyrna” ulttyq portaly.
Qoldanystaǵy zańnamaǵa sáıkes, Memleket basshysy usynylǵan kandıdatýrany Májilistegi partııalardyń frakııalarymen jýyq arada talqylaıdy.
Oljas Bektenov 1980 jyly 13 jeltoqsanda Almaty qalasynda dúnıege kelgen.
2001 jyly Qazaq memlekettik zań akademııasynan zańger mamandyǵyn bitirgen.
2002-2005 jyldary aralyǵynda Almaty qalasy ádilet basqarmasynda bas maman qyzmetin atqarǵan.
2006-2009 jyldary QR Prezıdenti ákimshiliginde qyzmet etken.
2009-2012 jj. – QR ádilet mınıstrliginiń tirkeý jáne quqyqtyq alǵashqy kómek kórsetý qyzmeti komıteti tórǵasynyń orynbasary.
2012-2014 jj. – QR ekonomıkalyq qylmys jáne sybaılas jemqorlyq qarsy kúres agenttigi ortalyq apparatynda departament basshysy.
2015-2016 jj . – Astana qalasy ákiminiń apparat basshysy, QR Prezıdenti Ákimshiligi Basshysy hatshylyǵynyń meńgerýshisi.
2016-2017 jyldary – Astana qalasy boıynsha Sybaılas jemqorlyqqa qarsy is-qımyl ulttyq bıýrosynyń (sybaılas jemqorlyqqa qarsy qyzmet) basshysy.
2017 jylǵy shildeden bastap Aqmola oblysy ákiminiń orynbasary.
2019 jylǵy 26 maýsymnan bastap – Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń birinshi orynbasary.
2022 jylǵy 25 aqpanda Qazaqstan Respýblıkasy Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmet) tóraǵasy bolyp taǵaıyndaldy.
2023 jylǵy 3 sáýirde Qazaqstan Respýblıkasy Prezıdenti Ákimshiliginiń basshysy bolyp taǵaıyndaldy.
“Adyrna” ulttyq portaly
