Prezident Qasym-Jomart Toqaevqa Parlament Mäjılısınıŋ jäne «Amanat» partiiasynyŋ töraǧasy Erlan Qoşanov Premer-ministr qyzmetıne Oljas Bektenovtıŋ kandidaturasyn ūsyndy, dep habarlaidy “Adyrna” ūlttyq portaly.
Qoldanystaǧy zaŋnamaǧa säikes, Memleket basşysy ūsynylǧan kandidaturany Mäjılıstegı partiialardyŋ fraksiialarymen juyq arada talqylaidy. Oljas Bektenov 1980 jyly 13 jeltoqsanda Almaty qalasynda düniege kelgen. 2001 jyly Qazaq memlekettık zaŋ akademiiasynan zaŋger mamandyǧyn bıtırgen. 2002-2005 jyldary aralyǧynda Almaty qalasy ädılet basqarmasynda bas maman qyzmetın atqarǧan. 2006-2009 jyldary QR Prezidentı äkımşılıgınde qyzmet etken. 2009-2012 jj. – QR ädılet ministrlıgınıŋ tırkeu jäne qūqyqtyq alǧaşqy kömek körsetu qyzmetı komitetı törǧasynyŋ orynbasary. 2012-2014 jj. – QR ekonomikalyq qylmys jäne sybailas jemqorlyq qarsy küres agenttıgı ortalyq apparatynda departament basşysy. 2015-2016 jj . – Astana qalasy äkımınıŋ apparat basşysy, QR Prezidentı Äkımşılıgı Basşysy hatşylyǧynyŋ meŋgeruşısı. 2016-2017 jyldary – Astana qalasy boiynşa Sybailas jemqorlyqqa qarsy ıs-qimyl ūlttyq biurosynyŋ (sybailas jemqorlyqqa qarsy qyzmet) basşysy. 2017 jylǧy şıldeden bastap Aqmola oblysy äkımınıŋ orynbasary. 2019 jylǧy 26 mausymnan bastap – Qazaqstan Respublikasy Memlekettık qyzmet ısterı jäne sybailas jemqorlyqqa qarsy ıs-qimyl agenttıgı töraǧasynyŋ bırınşı orynbasary. 2022 jylǧy 25 aqpanda Qazaqstan Respublikasy Sybailas jemqorlyqqa qarsy ıs-qimyl agenttıgınıŋ (Sybailas jemqorlyqqa qarsy qyzmet) töraǧasy bolyp taǧaiyndaldy. 2023 jylǧy 3 säuırde Qazaqstan Respublikasy Prezidentı Äkımşılıgınıŋ basşysy bolyp taǧaiyndaldy.“Adyrna” ūlttyq portaly
