اكىمدىك ءۇش جاڭا مەترو جەلىسىنىڭ قانداي بولاتىنىن جانە قاي جەردە بولاتىنىن ايتتى، دەپ حابارلايدى “ادىرنا” ۇلتتىق پورتالى.
25 قاڭتاردا پرەزيدەنت قاسىم-جومارت توقاەۆتىڭ قاتىسۋىمەن وتكەن كەڭەستە الماتى قالاسىنىڭ كولىك جۇيەسىن دامىتۋ جوسپارلارى، ونىڭ ىشىندە مەتروپوليتەن مەن جاڭا جەلىلەردى ودان ءارى دامىتۋ جوسپارلارى ۇسىنىلعان بولاتىن.
وسىعان بايلانىستى قالالىق اكىمدىك ءۇش جاڭا مەترو جەلىسىنىڭ قانداي بولاتىنى جانە قايدا ورنالاساتىنى تۋرالى Tengrinews.kz سايتىنىڭ سۇراعىنا جاۋاپ بەردى:
جىبەك جولى ستانتسياسىنان باستالاتىن شىعىس جەلىنىڭ ۇزىندىعى 12,8 شاقىرىمدى قۇرايدى. بۇل اراقاشىقتىقتا 8 ستانتسيا قامتىلادى. اتالعان باعىت گوگول كوشەسىنىڭ بويىمەن شىعىسقا قاراي ورتالىق مادەنيەت جانە دەمالىس ساياباعى ارقىلى ءۇاااج-عا دەيىن، سودان كەيىن قۇلجا تاسجولى بويىمەن سولتۇستىك-شىعىس باعىتتا اۋەجايعا قاراي وتەدى. ارالىق ستانتسيالاردىڭ ءبىرى ءۇاااج-دەن قۇلجا تاسجولىنا ءوتۋ ايماعىنداعى "شىعىس" كولىك تورابى بولادى.
سولتۇستىك باعىتتاعى ءۇشىنشى مەترو جەلىسى سايران ستانتسياسىنان باستالادى. ۇزىندىعى 16,4 شاقىرىمدى قۇرايتىن بۇل باعىتقا 15 ستانتسيا كىرەدى. "سايراننان" سولتۇستىك باعىتتاعى جەلى برۋسيلوۆسكي كوشەسىنىڭ بويىمەن، ودان ءارى سولتۇستىك اينالما تاسجولىمەن (كوتەرمە-بولشەك ساۋدا بازارلارى ارقىلى) جانە شىعىس باعىتتا م.جۇماباەۆ كوشەسىمەن "كوكمايسا", "قاراسۋ", "اينابۇلاق" شاعىناۋداندارى ارقىلى حمەلنيتسكي كوشەسىنە دەيىن وتەدى.
جەر ءۇستى مەتروسىنىڭ تاعى ءبىر جەلىسى سولتۇستىك باسقارۋداعى "الماتى-2" ستانتسياسىنان ءسۇيىنباي كوشەسى بويىمەن "الماتى-1" ۆوكزالىنا دەيىن سوزىلادى. جەلىنىڭ ۇزىندىعى - 8,5 كيلومەتر. جوبالاۋ كەزىندە ستانتسيالاردىڭ سانى مەن ورنى انىقتالادى.
بۇل جوبا مەملەكەت باسشىسىنا ۇسىنىلعان سىزبا بويىنشا 2030 جىلعا دەيىن ازىرلەنۋ كەرەك.
“ادىرنا” ۇلتتىق پورتالى
