«ايەلدەردىڭ قۇقىقتارى مەن بالالاردىڭ قاۋىپسىزدىگى تۋرالى» زاڭ جوباسىنىڭ تانىستىرىلىمىندا ءماجىلىس دەپۋتاتى اناس باققوجاەۆ كەيبىر جاعدايلاردا جابىرلەنۋشىلەردىڭ وزدەرى زورلىق-زومبىلىق تۋدىرۋى مۇمكىن دەگەن پىكىر ءبىلدىردى،دەپ حابارلايدى “ادىرنا” ۇلتتىق پورتالى.
ءماجىلىس دەپۋتاتى اناس باققوجاەۆ ايەلدەر قۇقىعىن جانە بالالاردىڭ قاۋىپسىزدىگىن قامتاماسىز ەتۋ تۋرالى زاڭ جوباسىن قولدايتىنىن ايتتى.
"ايەلگە ەڭ جامان ەركەكتەر عانا قول كوتەرەدى. بىراق بارلىق جانجال ۇرىپ-سوعۋ مەن توبەلەستەن تۋىندامايدى. ەركەكتەردى دە ءتۇسىنۋ كەرەك. جانجال نەدەن باستالادى؟ ارينە، ايەلدىڭ ءتىلى ۇزىن بولعاندىقتان. ايەلدەر مەنى كەشىرسىن، بىراق مۇنداي فاكتىلەر دە بار. قازاقتا مىناداي جاقسى ماقال بار: "جاقسى ايەل – ىرىس، جامان ايەل – ۇرىس" دەيدى. سونداي-اق "ەرگە جاقسى ايەل – ەلگە دە جاقسى" دەيدى. وكىنىشتىسى، بارلىعىمىز قازاقى تاربيەدەن الشاقتاپ جاتىرمىز", – دەدى اناس باققوجاەۆ.
ىشكى ىستەر ءمينيسترىنىڭ ورىنباسارى يگور لەپەحا ونى قولدامايتىنىن ايتتى.
ء"تىپتى ايەلدىكى دۇرىس بولماسا دا فيزيكالىق ەمەس، باسقا جولدار ارقىلى شەشۋگە بولادى. قانداي سەبەپ بولعانىنا قاراماستان، ەگەر ول جاراقاتتانسا، كىنالى ادام جاۋاپ بەرۋگە ءتيىس. كىمنىڭ كىنالى ەكەنىندە قانداي ايىرماشىلىق بار. قىلمىس جاسالسا، قىلمىسكەر جاۋاپقا تارتىلۋى كەرەك", – دەدى يگور لەپەحا.
