مەملەكەت باسشىسى قاسىم-جومارت توقاەۆ اسكەري قىزمەتشىلەردى زاپاسقا شىعارۋ جانە اسكەري قىزمەتكە شاقىرۋ تۋرالى جارلىققا قول قويدى. بۇل تۋرالى اقوردانىڭ ءباسپاسوز قىزمەتى مالىمدەدى.
قۇجاتقا سايكەس، 2024 جىلدىڭ ناۋرىز-ماۋسىمىندا جانە قىركۇيەك-جەلتوقسانىندا اسكەري قىزمەتتىڭ بەلگىلەنگەن مەرزىمىن وتكەرگەن اسكەري قىزمەتشىلەر زاپاسقا شىعارىلادى.
ولار:
قازاقستان رەسپۋبليكاسىنىڭ قارۋلى كۇشتەرى;
قازاقستان رەسپۋبليكاسىنىڭ ىشكى ىستەر مينيسترلىگى;
قازاقستان رەسپۋبليكاسىنىڭ توتەنشە جاعدايلار مينيسترلىگى;
قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى;
قازاقستان رەسپۋبليكاسىنىڭ مەملەكەتتىك كۇزەت قىزمەتى.
ءدال سول كەزدە قازاقستاننىڭ قارۋلى كۇشتەرى، ىشكى ىستەر مينيسترلىگى، توتەنشە جاعدايلار مينيسترلىگى، ۇلتتىق قاۋىپسىزدىك كوميتەتى مەن مەملەكەتتىك كۇزەت قىزمەتىنە اسكەرگە شاقىرۋدى كەيىنگە قالدىرۋعا نەمەسە ودان بوساتىلۋعا قۇقىعى جوق ەر ادامدار شاقىرىلادى. مەرزىمدى اسكەري قىزمەتكە شاقىرىلاتىنداردىڭ جاسى - 18-27 ارالىعىندا.
