مادەنيەت جانە اقپارات ۆيتسە-ءمينيسترى ارمان جۇدەباەۆ قىزمەتىنەن بوساتىلدى، دەپ حابارلايدى “ادىرنا” ۇلتتىق پورتالى.
ارمان جۇدەباەۆ قىزمەتىنە 2023 جىلدىڭ شىلدەسىندە كىرىسكەن. التى ايدان كەيىن ونىڭ قىزمەتىنەن بوساتىلعانى بەلگىلى بولدى.
«قازاقستان رەسپۋبليكاسى ۇكىمەتىنىڭ قاۋلىسىمەن ارمان ءادىلحانۇلى جۇدەباەۆ باسقا جۇمىسقا اۋىسۋىنا بايلانىستى مادەنيەت جانە اقپارات ۆيتسە-ءمينيسترى قىزمەتىنەن بوساتىلدى»، - دەپ حابارلادى ۇكىمەتتىڭ ءباسپاسوز قىزمەتى.
ايتا كەتەيىك، ارمان جۇدەباەۆ قۇرمانعازى اتىنداعى قازاق ۇلتتىق كونسەرۆاتورياسىن تامامداعان.
ەڭبەك جولىن 2006 جىلى «قۇرمانعازى اتىنداعى قازاق مەملەكەتتىك اكادەميالىق حالىق اسپاپتار وركەسترi» رمقك-دا اسپاپتار وركەسترىنىڭ ءارتىسى بولىپ باستاعان.
2011-2013 ج.ج. — «قۇرمانعازى اتىنداعى قازاق مەملەكەتتىك اكادەميالىق حالىق اسپاپتار وركەسترi» رمم وقىتۋشىسى، اعا وقىتۋشىسى.
2013-2018 ج.ج. — «قۇرمانعازى اتىنداعى قازاق مەملەكەتتىك اكادەميالىق حالىق اسپاپتار وركەسترi» رمم باس ديريجەرى.
2018 جىلدان 2023 جىلعا دەيىن قۇرمانعازى اتىنداعى قازاق ۇلتتىق كونسەرۆاتورياسىنىڭ رەكتورى بولدى.
2023 جىلعى مامىردان باستاپ مادەنيەت جانە اقپارات ۆيتسە-ءمينيسترى لاۋازىمىنا تاعايىندالعانعا دەيىن مادەنيەت جانە سپورت مينيسترلىگى مادەنيەت كوميتەتىنىڭ توراعاسى بولدى.
“ادىرنا” ۇلتتىق پورتالى
