27 قاڭتاردا حالىقارالىق تەرروريستىك ۇيىمنىڭ ارەكەتىنە قاتىسى بولۋى مۇمكىن دەگەن كۇدىكپەن 22 جاستاعى قازاقستاندىق ىستامبۇلدا ۇستالدى. بۇل تۋرالى ۇلتتىق قاۋىپسىزدىك كوميتەتى مالىمدەدى، دەپ حابارلايدى “ادىرنا” ۇلتتىق پورتالى.
كۇدىكتى الماتىعا ايداۋىلمەن دەپورتاتسيالاندى.
اقپارات بويىنشا، تۇركىستان وبلىسىنىڭ تۋماسى 2020 جىلى سيرياعا كەتكەن. وندا جاس جىگىت قارۋلى توپتاردىڭ بىرىنە كىرگەن.
قازاقستاندىقتى وتانىنا اكەلۋ ءۇشىن ۇقك تۇركيالىق ارىپتەستەرىمەن بىرلەسىپ، جۇمىس ىستەدى. سونداي-اق باس پروكۋراتۋرا مەن ىشكى ىستەر مينيسترلىگى قولداۋ كورسەتكەن.
«كۇدىكتىنىڭ ۇستىنەن قىلمىستىق كودەكستىڭ 257-بابى («تەرروريستiك توپ قۇرۋ، وعان باسشىلىق ەتۋ جانە ونىڭ ارەكەتىنە قاتىسۋ») بويىنشا ءىس قوزعالدى. ول سوت سانكتسياسىمەن قاماۋعا الىندى. قاجەت تەرگەۋ امالدارى جۇرگىزىلىپ جاتىر»، - دەپ جازىلعان حابارلامادا.
قىلمىستىق-پروتسەستىك كودەكستىڭ 201-بابى 1-بولىگىنە سايكەس، باسقا اقپارات جاريالانبايدى.
