قاراعاندىدا ءۇي اۋلاسىندا تۇرعان كولىك ورتەنىپ كەتتى، دەپ حابارلايدى "ادىرنا" ءتىلشىسى ekaraganda.kz سايتىنا سىلتەمە جاساپ.
قاراعاندىداعى اۋلالاردىڭ بىرىندە تۇراقتا تۇرعان Mercedes-Benz G 500 كولىگى ورتەنىپ كەتتى. اشىق وتتىڭ اسەرىنەن كولىكتەگى گاز جابدىقتارى جارىلىپ كەتتى
قاراعاندىداعى گاپەەۆ كوشەسىندەگى تۇرعىن ءۇيدىڭ جانىندا بولعانى حابارلانعان. ايماقتىق توتەنشە جاعدايلار دەپارتامەنتى جوعارى تەمپەراتۋرا سالدارىنان جانىندا تۇرعان Volkswagen Passat كولىگى زاقىمدانعانىن ايتادى. ءورت ساعات 04:19-دا ءسوندىرىلدى.
ء"ۇيدىڭ جانىندا جالپى الاڭى 4 شارشى مەتردى قۇرايتىن Mercedes-Benz G 500 ماركالى اۆتوكولىگىنىڭ قوزعالتقىش بولىگىندە، اسپاپتار پانەلىندە جانە ىشكى ارلەۋىندە جانعىش بولشەكتەر جانىپ كەتتى. ءورت ءسوندىرۋ قىزمەتى كەلگەنگە دەيىن Mercedes-Benz G 500 اۆتوكولىگىندە ورناتىلعان گاز جابدىعىنان گاز-اۋا قوسپاسى جارىلعان. ءورتتىڭ الدىن الا سەبەبى اشىق وت كوزىنەن بولعان", - دەپ حابارلادى ۆەدومستۆو وكىلدەرى.
