مەملەكەت باسشىسى قاسىم-جومارت توقاەۆ بەلگىلى ەكونوميست، قوعام قايراتكەرى ورازالى سابدەنمەن كەزدەستى. بۇل تۋرالى اقوردا جاريالادى، دەپ حابارلايدى “ادىرنا” ۇلتتىق پورتالى.
كەزدەسۋدە ەلىمىزدىڭ ەكونوميكالىق دامۋ پەرسپەكتيۆالارى جان-جاقتى تالقىلاندى. بۇل ورايدا ەل ەكونوميكاسىن ءارتاراپتاندىرۋ، وندىرىستىك الەۋەتتى ارتتىرۋ، شاعىن جانە ورتا بيزنەس پەن اۋىل شارۋاشىلىعىن دامىتۋ ماسەلەلەرىنە باسا نازار اۋدارىلدى. كوزدەلگەن ماقساتتارعا جەتۋ ءۇشىن اتالعان سالالاردى تسيفرلاندىرۋ ايرىقشا ماڭىزدى.
سونىمەن قاتار الەۋمەتتىك يننوۆاتسيا ارقىلى حالىقتىڭ تۇرمىس ساپاسىن جاقسارتۋ جولدارى قاراستىرىلدى.
پرەزيدەنت بىلتىر جوعارى ءبىلىمدى جانە عىلىمدى دامىتۋدىڭ 2029 جىلعا دەيىنگى تۇجىرىمداماسى قابىلدانعانىن اتاپ ءوتىپ، مەملەكەتتىڭ اتالعان سالالارعا باسا ءمان بەرەتىنىن ايتتى.
مەملەكەت باسشىسى عىلىم اكادەمياسىنىڭ جاي-كۇيىن ءاردايىم ءجىتى نازارىندا ۇستايتىنىن جەتكىزدى. سونداي-اق ءبىلىمدى، الەمدىك ءۇردىستى جەتىك بىلەتىن جاستارعا قولداۋ كورسەتىلە بەرەتىنىنە نازار اۋداردى.
ءوز كەزەگىندە ورازالى سابدەن عىلىم سالاسىن دامىتۋعا قاتىستى ءوز ۇسىنىستارىن ايتتى.
