پاۆلودار وبلىسىنىڭ دەنساۋلىق ساقتاۋ باسقارماسى ءتىل جاناشىرى رۋزا بەيسەنبايتەگىنىڭ جاعدايىنا قاتىستى تۇسىنىكتەمە بەردى، دەپ حابارلايدى «ادىرنا» ءتىلشىسى.
«24 قاڭتار كۇنى ساعات 16:20 شاماسىندا 103 نومىرىنە پاۆلودار قالاسىندا ايەل ادام كوشەدەگى ازاماتتارعا اگرەسسيا تانىتىپ جاتقانى تۋرالى حابارلاما كەلىپ ءتۇستى. وقيعا ورنىنا كەلگەن مەديتسينالىق بريگادا پسيحيكالىق اۋىتقۋلارى بەلگىلەرىمەن 66 جاستاعى ايەل ادامدى وبلىستىق پسيحيكالىق دەنساۋلىق ساقتاۋ ورتالىعىنا جەتكىزدى»،—دەلىنگەن حابارلامادا.
باسقارمانىڭ ءباسپاسوز قىزمەتى ورتالىق دارىگەرلەرى تاراپىنان رۋزا بەيسەنبايتەگىنە ەكى كۇن بويى ەم قابىلداۋ شارالارى جاسالعانىن اتاپ ءوتتى.
«مەديتسينا قىزمەتكەرلەرىنىڭ قاراۋىنان كەيىن دەنساۋلىق جاعدايىنىڭ جاقسارۋىنا وراي كونسيليۋم شەشىمىمەن ناۋقاس ديسپانسەرلىك باقىلاۋ ۇسىنىسىمەن ۇيىنە قايتارىلدى. دەنساۋلىق ساقتاۋ سالاسىنداعى زاڭناماعا سايكەس، الداعى ۋاقىتتا ناۋقاستىڭ پسيحيكالىق اۋىتقۋلارى ناشارلاپ، اينالاسىنداعى ادامدارعا زيان كەلتىرۋ ىقتيمالدىعى قايتا بايقالعان جاعدايدا، ول ەمدەۋگە جىبەرىلەتىن بولادى»،—دەپ تولىقتىردى وبلىستىق دەنساۋلىق ساقتاۋ باسقارماسى.
